Page Text
________________
५६
पण्णवणासुतं
पवरवत्थपरिहिया कल्लाण गपव रमल्लाणुलेवणधरा भासुरवोंदी पलंबवणमालधरा दिव्वेणं वण्णेणं दिव्वेणं गंधेणं दिव्वेणं फासेणं दिव्वेण संघयणेणं दिव्वेणं संठाणेण दिव्वाए इड्ढीए दिव्वाए जुतीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेस्साए दस दिसाओ उज्जीवेमाणा प्रभासेमाणा । ते गं तत्थ साणं- साणं भोमेज्जगणगरावाससतसहस्साणं' साणं- साणं सामाणियसाहस्सीणं साणं- साणं अग्गमहिसीणं साणं- साणं परिमाणं साणं- साणं अणियाणं साणं साणं अणियाधिवतीगं साणं-साणं आयरक्खदेवसाहस्सी अण्णेसि च वहूणं वाणमंतराणं देवाण य देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणात्रच्चं कारेमाण। पालेमाणा महयाहृतणट्ट-गीयवाइयतंती-तल-ताल-तुडिय -घणमुइंगपडुप्पवाइय रवेणं दिव्वाई भोगभोगाई भुंजमाणा विहरति ॥
४२. कहि णं भंते! विसायाणं देवाणं पज्जत्तापज्जत्ताणं ठाणा पण्णत्ता ? कहि णं भंते! पिसाया देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सवाहल्लस्स उवरि एवं जोयणसतं ओगाहिता हेट्ठा वेगं जोयणसतं वज्जेत्ता मज्झे अट्ठसु जोयणसएसु, एत्थ णं पिसायाणं देवाणं तिरियमसंखेज्जा भोमेज्जाणगरावास सतसहस्सा' 'भवतीति मक्खातं । ते णं भोमेज्जाणगरा वाहि वट्टा जहा ओहिओ भवणवण्णओ तहा भाणितव्वो जाव' पडिरूवा । एत्थ णं पिसायाणं देवाणं पज्जत्तापज्जताणं ठाणा पण्णत्ता । तिसु वि लोगस्स असंखेज्जइभागे । तत्थ णं वहवे पिसाया देवा परिवसंतिमहिडिया जहा ओहिया जाव' विहरति । काल-महाकाल यत्थ दुवे पिसायइंदा' पिसायरायाणो परिवसंति-- महिड्डिया महज्जुइया जाव' विहरति ॥
४३. कहि णं भंते! दाहिणिल्लाणं विसायाणं देवाणं पज्जत्तापज्जत्ताणं ठाणा पण्णत्ता ? कहि णं भंते! दाहिणिल्ला पिसाया देवा परिवसंति ? गोयमा ! जंबुद्दीवे दीवे मंदरस्स पव्वयस्स दाहिणेणं इमीसे रयणप्पभाए पुढवीए रयणामयस्स कंडस्स जोयणसहस्सवाल्लस्स उवरि एवं जोयणसतं ओगाहिता हेट्टा वेगं जोयणसतं वज्जेत्ता मज्झे अट्ठसु जोणसएस, एत्थ णं दाहिणिल्लाणं पिसायाणं देवाणं तिरियमसंखेज्जा भोमेज्जगनगरावाससतसहस्सा' भवतीति मक्खातं । 'ते णं भोमेज्जगणगरा वाहि वट्टा जहा" ओहिओ भवणवण्णओ तहा" भाणियव्वो जाव" पडिरूवा । एत्थ गं दाहिणिल्लाणं पिसायाणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं बहवे दाहि
१. भोमेज्जणगरा (क, ख ) ; असंखेज्जा भोमेज्जानगरा° (ग) 1
२. भोमेज्ज ( ख, ग, घ ) ; स्वीकृतपाठे एकपदे सन्धिवर्त्तते ।
३. ५० २।३० ।
४. प० २१४१ ।
५. पिसाइंदा (ख, घ); पिसायंदा ( ग ) ।
Jain Education International
६. ० २।४१ ।
७. ४ ( क,ख,ग ) 1
८. भोमेज्जनगरा° ( क, ख, ग, घ ) ।
६. ते णं भवणा जहा (क, ख, ग, घ ) 1
१०. तहेव ( क ) ।
११. ० २।३० ।
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |