Page Text
________________
बिइयं छाणपर्व
वाणमंतरदेवठाण-पदं
४१. कहि णं भंते ! वाणमंतराणं देवाणं पज्जत्तापज्जत्ताणं ठाणा पण्णत्ता ? कहि णं भंते ! वाणमंतरा देवा परिवसंति ? गोयमा! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरि एगं जोयणसतं ओगाहित्ता हेट्ठा वि एग जोयणसतं वज्जेत्ता मज्झे अट्ठसु जोयणसएसु, एत्थ णं वाणमंतराणं देवाणं तिरियमसंखेज्जा भोमेज्जणगरावाससतसहस्सा भवंतीति मक्खातं ! ते णं भोमेज्जा णगरा बाहिं वट्टा अंतो चउरंसा अहे पुक्खरकण्णियासंठाणसंठिता उक्किण्णंतरविउलगंभीरखाय-परिहा पागारट्रालय-कवाड-तोरण-पडिदुवारदेसभागा जंत-सय ग्घि-मुसल-मुसुंढिपरिवारिया' अओज्झा सदाजता सदागुत्ता अडयालकोट्ठगरइया अडयालकयवणमाला खेमा सिवा किकरामरदंडोवरक्खिया लाउल्लोइयमहिया गोसीस-सरस रत्तचंदणदद्दरदिन्नपंचंगुलितला उचितवंदणकलसा वंदणघडसुकयतोरणपडिदुवारदेसभागा आसत्तोसत्तविउलवट्टवग्घारियमल्लदामकलावा पंचवण्णसरससुरभिमुक्कपुप्फपुंजोवयारकलिया कालागरु-पवरकुंदुरुक्क-तुरुक्कधूवमधमघेतगंधुद्धयाभिरामा सुगंध-वरगंध-गंधिया गंधवट्टिभूता अच्छरगणसंघसंविकिण्णा दिव्वतुडितसद्दसंपणदिता पडागमालाउलाभिरामा सव्वरयणामया अच्छा सोहा लण्हा घट्ठा मट्ठा नीरया निम्मला निप्पंका णिक्कंकडच्छाया सप्पभा सस्सिरीया' सउज्जोता पासादीया' दरिसणिज्जा अभिरूवा पडिरूवा, एत्थ णं वाणमंतराण देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं वहवे वाणमंतरा देवा परिवसंति, तं जहा–पिसाया भूया जक्खा रक्खसा किन्नरा किंपुरिसा, भयगवइणो य महाकाया, गंधव्वगणा य निउणगंधव्वगीतरइणो अणवणिय-पणवणिय-इसिवाइय. भयवाइय-कंदित-महाकदिय-कुहंड-पयगदेवा चंचलचल चवलचित्तकीलण-दवप्पिया गहिरहसिय-गीय-णच्चणरई वणमालामेल-मउल-कुंडल-सच्छंदविउव्वियाभरणचारुभसणधरा सव्वोउयसुरभिकुसुमसुरइयपलंवसोहंतकंतवियसंताचित्तवणमाल रइयवच्छा' कामगमा कामरूवदेहधारी णाणाविहवण्णरागवरवत्थ-चित्तचिल्लगणियसणा' विविहदेसिणेवच्छगहियवेसा पमुइयकंदप्प-कलह-केलि-कोलाहल प्पिया हास-बोलबहुला असि-मोग्गर-सत्तिकुंतहत्था अणेगमणि-रयण विविहणिजुत्तविचित्तचिधगया" सुरूवा महिड्ढीया महज्जूतीया महायसा महावला महाणुभागा महासोक्खा हारविराइयवच्छा कडय-तुडितथंभियभया अंगय"-कुंडल-मट्ठगंडयलकण्णपीढधारी विचित्तहत्थाभरणा" विचित्तमाला-मउली कल्लाणग
१. परियारिया (क,ख,घ)। २. ४ (क,ख,ग,घ)।
६. भलत्तिचित्तरूवगणियंसणा (ख); मुद्रितवृत्ती ३. पासातीता (घ)।
'चिल्ललगानि' इति दृश्यते । ४. महाकंदिया य (क,ग,घ,पु)।
१०. °देसणेवत्थ° (ख,ग,ध) । ५. गहिरहसियपिय (क,ख,ग,घ)।
११. °णिजुत्तचित्त (क,ख,ग,घ)। ६. मउड (क,ग,घ) 1
१२. महागुभावा (घ)। ७. विहसंत° (घ) ।
१३. संगय (क,ख,ग,घ)। ८. कामकामा (क,ख,ग, मवपा); कामकमा १४. °वत्था भरणा (घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |