Page Text
________________
१९८
रायपसेणइयं
अह णं से पुरिसे तं पईवं इड्डरएणं पिहेज्जा, तए णं से पईवे तं इहरयं अंतो-अंतो ओभासेइ उज्जोवेइ तावेति पभासेइ, णो चेव णं इड्डुरगस्स बाहिं, णो चेव णं कूडागारसालं, णो चेव णं कडागारसालाए वाहिं । एवं--गोकिलिजेणं' 'पच्छियापिडएणं गंडमाणियाए 'आढएणं अद्धाढएणं पत्थएणं अद्धपत्थएणं कुलवेणं अद्धकुलवेणं चाउब्भाइयाए अट्ठभाइयाए सोलसियाए बत्तीसियाए च उसट्टियाए" अहं णं से पुरिसे तं पईवं दीवचंपएणं पिहेज्जा। तए णं से पदीवे दीवचंपगस्स अंतो-अंतो ओभासेति उज्जोवेइ तावेति पभासेइ, नो चेव णं दीवचंपगस्स वाहि, नो चेव णं चउस ट्ठियाए बाहिं णो चेव णं कूडागारसालं, णो चेव णं कूडागारसालाए बाहिं । एवामेव पएसी ! जीवे वि जं जारिसयं पुत्वकम्मनिबद्धं बोंदि णिवत्तेइ तं असंखेजेहिं जीवपदेसेहिं सचित्तीकरेइ-खुडियं वा महालियं वा। तं सदहाहि णं तुमं पएसी ! जहा -अण्णो जीवो 'अण्णं सरीरं, नो तज्जीवो तं सरीरं ॥ कुल-परपरागयादोट्ठ-अच्छडण-पद
७७३. तए णं पएसी राथा केसि कुमार-समणं एवं वयासी-एवं खलु भंते ! मम अज्जगस्स एस सण्णा' 'एस पइण्णा एस दिट्ठी एस रुई एस हेऊ एस उवएसे एस संकप्पे एस तुला एस माणे एस पमाणे एस° समोसरणे, जहा--तज्जीवो तं सरीरं, नो अण्णो जीवो अण्णं सरीरं। तयाणंतरं च णं ममं पिउणो वि एस सण्णा' 'एस पइण्णा एस दिट्ठी एस रुई एस हेऊ एस उवएसे एस संकप्पे एस तुला एस माणे एस पमाणे एस समोसरणे, जहा-तज्जीवो तं सरीरं, नो अण्णो जीवो अण्णं सरीरं ।। तयाणंतरं मम वि एस सण्णा" "एस पइण्णा एस दिट्ठी एस रुई एस हेऊ एस उवएसे एस संकप्पे एस तुला एस माणे एस पमाणे एस समोसरणे, जहा-तज्जीवो तं सरीरं, नो अण्णो जीवो अण्णं सरीरं! तं नो खलु अहं बहुपुरिसपरंपरागयं कुलपिस्सियं दिष्टुिं छड्डेस्सामि ।। अयहारग-दिळंत-पदं
७७४. तए णं केसी कुमार-समणे पएसिरायं एवं वयासी-मा णं तुमं पएसी ! पच्छाणुताविए भवेज्जासि, जहा व से पुरिसे अयहारए । के णं भंते ! से अयहारए ? पएसी! से जहाणामए-केइ पुरिसा अत्थत्थी अत्थगवेसी अत्थलुद्धगा अत्थकंखिया अत्थपिवासिया अत्थगवेसणयाए विउल पणियभंडमायाए सब भत्तपाण-पत्थयणं गहाय एवं महं अगामियं छिण्णावायं दीहमद्धं अडवि अणुपविट्ठा । तए णं ते पुरिसा तीसे अगामियाए 'छिण्णावायाए दीहमद्धाए° अडवीए कंचि देसं १. x (क, ख, ग, घ, च, छ)।
५. सं० पा०-एस सण्णा जाव समोसरणे। २.गंडमाणियाए पच्छिपिडएणं (क,च); गंडमा- ६.सं० पा०–एस सण्णा । णियाए पडिपिडएणं (ख,ग); गंडमाणियाए ७. सं० पा०- एस सण्णा जाव समोसरणे। पिच्छिपिडिएणं (छ)।
८. छंड्डिस्सामि (च)। ३. ४ (क, ख, ग, घ, च, छ) ।
९. अकामियं (क, ख, ग, घ, च, छ) । ४. सं० पा०-~-जीवो तं चेव ।
१०. सं० पा०-~अगामियाए जाव अडवीए।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |