Page Text
________________
परस-कहाणगं
१६७
जइ णं तुमं पएसी ! एयस्स वाउकायस्स सरूविस्स' 'सकम्मरस सरागस्स समोहस्स सवेयस्स ससस्स ससरीरस्स रूवं न पाससि, तं कहं णं पएसी ! तव करयलंसि वा आमलगं जीवं [सरीराओ अभिणिवट्टिताणं ? ] उवदंसिस्सामि ?
एवं खलु पएसी ! दसाणाई छउमत्थे मणुस्से सव्वभावेणं न जाणइ न पासइ, तं जहाधम्मत्थिकार्य, अधम्मत्थिकार्य, आगासत्थिकार्य, जीवं असरीरबद्ध, परमाणुपोग्गलं, सर्द, गंध, वायं, अयं जिणे भविस्सइ वा णो भविस्सइ, अयं सव्वदुक्खाणं अंतं करिस्सइ वा नो वा करिस्सर । एताणि चैव उत्पष्णणाणदंसणधरे अरहा जिणे केवली सव्वभावेणं जाणइ पासइ, तं जहा - धम्मत्थिकार्य', 'अधम्मत्थिकार्य, आगासत्थिकायं, जीवं असरीरवद्धं, परमाणुपोग्गलं, सद्द, गंध, वायं, अयं जिणे भविस्सइ वा णो भविस्सइ, अयं सव्वदुक्खाणं अंतं करिस्सर वा णो वा करिस्सइ, तं सहाहि णं तुमं पएसी ! जहा - अण्णो जीवो *अण्णं सरीरं, नो तज्जीवो तं सरीरं ।
हस्थि - कुंथु जीव समाणत्त-पदं
७७२. तए णं से पएसी राया केसि कुमार समणं एवं वयासी-से णूणं भंते ! हस कंथुस्सय समे चेव जीवे ? हंता पएसी ! हत्थिस्स य कुंथुस्स य समे चैव जीवे । सेणू भंते! हत्थीओ कुंथू अप्पकम्मतराए चेव अप्प किरियतराए चेव 'अप्पासवतराए चेव" "" अप्पाहारत राए चेव अप्पनीहारतराए चेव अप्पुस्सासतराए चेव अप्पनीसासतराए चेव अप्पिढितराए चेव अप्पमहतराए चेव अप्पज्जुइतराए चेव° ? कुंथु हत्थी महाकम्मतराए चैव महाकिरिय' तराए चेव महासवतराए चेव महाहारतराए चेव महानीहारत राए चेव महाउस्सासतराए चेव महानीसासतराए चेव महिड्डितराए चेव महामहतराए चैव महज्जुइतराए चेव ? |
हंता पएसी ! हत्थीओ कुंथू अप्पकम्मतराए चेव कुंथूओ वा हत्थी महाकम्मतराए चेव", • हत्थीओ कुंथू अप्प किरियतराए चेव कुंथूओ वा हत्थी महाकिरियतराए चेव, हत्थीओ कुंथू अप्पासवतराए चैव कूंथूओ वा हत्थी महासवतराए चेव, एवं आहार नीहार उस्सासनीसास - इड्ढि महज्जुइ एहि हत्थीओ कुंथू अप्पतराए चैव कुंथूओ वा हत्थी महातराए चेव । कम्हा णं भंते ! हत्थिस्स य कुंथुस्स य समे चैव जीवे ?
पएसी ! से जहाणामए कूडागारसाला सिया -- दुहओ लित्ता गुत्ता गुत्तदुवारा णिवाया णिवाय° गंभीरा । अह णं केइ पुरिसे जोई व दीवं व गहाय तं कूडागारसाल अंतो-अंतो अणुपfans, तीसे कूडागारसालाए सव्वतो समंता घण- निचिय - निरंतर - णिच्छिड्डाई दुवार - वयणाई पिहेति, तीसे कूडागारसालाए बहुमज्झदेसभाए तं पईवं पलीवेज्जा । तए णं से पईवे तं कूडागारसालं अंतो- अंतो ओभासेइ उज्जोवेइ तावेति पभासेइ, णो चेव गं बाहि । १. सं० पा० - सरूविस्स जाव ससरीरस्स । २. सं० पा० - धम्मत्थिकार्य जाव णो ।
ssc महज्जुइ अप्पतराए चेव ।
३. सं० पा०-जीवो तं चेव ।
६. सं० पा० - महाकिरिय जाव हंता । ७. सं० पा०-- महाकम्मतराए चैव तं चैव । ८. सं० पा०-- सिया जाव गंभीरा ।
४. X (क, ख, ग, घ, च, छ) 1
५. सं० पा० एवं आहार नीहार उस्सास नीसास
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |