Page Text
________________
पएसि-कहाणगं
१६३
कोडुविय - इन्भ-सेट्ठि-सेणावइ-सत्थवाह-मंति - महामंति - गणग - दोबारिय- अमच्च-चेडपीढमद्द-नगर-निगम-दूय-संधिवाले हिं सद्धि संपरिवुडे विहरामि । तए णं मम णगरगुत्तिया ससक्खं सहोद सलोई सगेवेज्जं अवउडगबंधणबद्धं चोरं उवणेति । तए णं अहं तं पुरिसं सव्वतो समंता समभिलोएमि, नो चेव णं तत्थ जीवं पासामि ।। तए णं अहं तं पुरिसं दुहा फालियं' करेमि, करेत्ता सव्वतो समंता समभिलोएमि, नो चेव णं तत्थ जीवं पासामि । एवं तिहा चउहा संखेज्जहा फालियं करेमि', 'करेता सव्वतो समंता समभिलोएमि, णो चेव णं तत्थ जीवं पासामि । जइ णं भंते ! अहं 'तंसि पुरिसंसि', दुहा वा तिहा वा चाहा वा संखेज्जहा वा फालियंमि जीवं पासंतो, तो णं अहं सद्दहेज्जा' पत्तिएज्जा रोएज्जा जहा- अण्णो जीवो अण्णं सरीरं, नो तज्जीवो तं सरीरं° ।
जम्हा गंभंते ! अहं तंसि दुहा वा तिहा वा चउहा वा संखेज्जहा वा फालियंमि जीवं न पासामि, तम्हा सुपतिट्ठिया मे पइण्णा जहा--तज्जीवो तं सरीरं, नो अण्णो जीवो अण्णं सरीरं ॥ मूढ-कट्ठहारय-पदं
७६५, तए गं केसी कुमार-समणे पएसि रायं एवं वयासी-मूढतराए गं तुम पएसी! ताओ तुच्छतराओ! के णं भंते ! तुच्छतराए ? पएसी ! से जहाणामए–केइ पुरिसा वणत्थी वणोवजीवी वणगवेसणयाए जोइं च जोईभायणं च गहाय कट्ठाणं अडवि अणुपविट्ठा। तए णं ते पुरिसा तीसे अगामियाए 'छिण्णावायाए दीहमद्धाए अडवीए कंचि देसं अणुप्पत्ता समाणा एग पुरिसं एवं वयासी-अम्हे गं देवाणुप्पिया! कट्ठाणं अडवि पविसामो, एत्तो गं तुमं जोइभायणाओ जोई गहाय अम्हं असणं साहेज्जासि । अह तं जोइभायणे जोई विज्झवेज्जा, तो णं तुम कट्ठाओ जोइं गहाय अम्हं असणं साहेज्जासि त्ति कटु कट्ठाणं अडविं अणुपविट्ठा । तए णं से पुरिसे तओ मुहुत्तंत रस्स तेसिं पुरिसाणं असणं साहेमि त्ति कटु जेणेव जोतिभायणे तेणेव उवागच्छइ, जोइभायणे जोइं विज्झायमेव पासति । तए णं से पुरिसे जेणेव से कढे तेणेव उवागच्छइ, उवागच्छित्ता तं कळं सव्वओ समंता समभिलोएति, नो चेव णं तत्थ जोइं पासति । तए णं से पुरिसे परियरं बंधइ, फरसुं गेहइ, तं कळं दुहा फालियं करेइ, सव्वतो समंता समभिलोएइ, णो चेव णं तत्थ जोइं पासइ । एवं 'तिहा चउहा संखेज्जहा वा
१. पालियं (च,छ)। २. सं० पा०-करेमि णो। ३. तं पुरिसं (क,च,छ)। ४. पासं (क, ख, ग, घ, च, छ) ! ५. सं० पा० सद्दहेज्जा तं चेव ।
६. सं० पा०--सरीरं तं चेव । ७. अकामियाए (क,ख,ग,घ); अकामयाए (च,
छ); सं० पा०–अगामियाए जाव किचि । ८. एत्तो (क); पुत्ता (च, छ)। ६. सं० पा०–एवं जाव संखेज्जहा।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |