Page Text
________________
पएसि-कहाणगं
१७५
जएणं विजएणं वद्धावेइ°, वद्धावेसा तं महत्थं 'महन्धं महरिहं विउलं रायारिहं पाहुडं' उवणेई॥
७०६. तए णं से पएसी राया चित्तस्स सारहिस्स तं महत्थं 'महग्धं महरिहं विउलं रायारिहं पाहडं पडिच्छइ, चित्तं सारहिं सक्कारेइ, सम्माणेइ, पडिविसज्जे॥
७१०. तए णं से चित्ते सारही पएसिणा रणा विसज्जिए समाणे हट्ठ' 'तुदृचित्तमाणदिए पीइमणे परमसोमणस्सिए हरिसवसविसप्पमाण हियए पएसिस्स रण्णो अंतियाओ पडिनिक्खमइ, जेणेव चाउग्धंटे आसरहे तेणेव उवागच्छइ, चाउग्घंटे आसरहं दुरुहइ, सेयवियं नगरि मज्झंमज्झेणं जेणेव सए गिहे तेणेव उवागच्छइ, तुरए णिगिण्हइ, रहं ठवेइ, रहाओ पच्चोरुहइ, पहाए' 'कयवलिकम्मे° उप्पि पासायवरगए फुट्टमाणेहिं मुइंगमत्थाएहिं बत्तीसइवद्धएहिं नाडएहिं वरतरुणी-संप उत्तेहिं 'उवणच्चिज्जमाणे उवगाइज्जमाणे" उवलालिज्जमाणे इठे सद्द-फरिस - रस-रूव-गंधे पंचविहे माणुस्सए कामभोए पच्चणुभवमाणे° विहरइ । केसिस्स सेयविया-आगमण-पदं
७११. तए णं से केसी कुमार-समणे अण्णया कयाइ पाडिहारियं पीढ-फलग-सेज्जासंथारगं पच्चप्पिणइ, सावत्थीओ नगरीओ कोट्ठगाओ चेइयाओ पडिणिक्खमइ, पंचहिं अणगारसएहि सद्धि संपरिवुडे पुव्वाणुपुद्वि चरमाणे गामाणुगामं दूइज्जमाणे सुहंसुहेणं° विहरमाणे जेणेव केयइ-अद्धे जणवए जेणेव सेयविया नगरी जेणेव मियवणे उज्जाणे तेणेव उवागच्छइ, अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरति ।।
७१२. तए णं सेयवियाए नगरीए सिंघाडग-तिय-चउक्क-चच्चर-चउम्मुह-महापहपहेसु महया जण सद्दे इ वा जणवूहे इ वा जणवोले इ वा जणकलकले इ वा जणउम्मी इ वा जणसण्णिवाए इ वा जाव परिसा णिग्गच्छइ ।। उज्जाणपालगाणं चित्तस्स निवेदण-पदं
७१३. तए णं ते उज्जाणपालगा इमीसे कहाए लट्ठा समाणा हट्ठतुट्ठ- चित्तमाणंदिया पीइमणा परमसोमणस्सिया हरिसवस-विसप्पमाण हियया जेणेव केसी कुमार-समणे तेणेव उवागच्छंति, केसि कुमार-समणं वंदंति नमसंति, अहापडिरूवं ओग्गहं अणुजाणंति, पाडिहारिएणं पीढ-फलग-सेज्जा संथारएणं उवनिमंतंति, णामं गोयं पुच्छंति ओधारेंति", १. सं० पा......महत्थं जाव उवणेइ ।
८. सं० पा०-अणगारसएहिं जाव विहरमाणे। २. उवणमेइ (क, ख, ग, घ, च, छ) ।
६. सं० पा०—सिंघाडग महया जणसद्देइ वा ३. सं० पा०—महत्थं जाव पडिच्छ ।
परिसा। ४. सं० पा०-हट्ट जाव हियए।
१०. राय० सू० ६८७ ५. सं० पा०--हाए जाव उपि ।
११. सं० पा०-हट्टतुटु जाव हियया । ६. उवणच्चिज्जमाणे २ उवगेयमाणे २ (क, ख, १२. सं० पा०—पाडिहारिएणं जाव संथारएणं । __ ग, घ, 'च)।
१३. आधारेंति (क, ख, ग, घ, च, छ) । ७. सं० पा०--फरिस जाव विहरइ ।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |