Page Text
________________
रायपसेणइर्य
वासेहिं पायरासेहिं नाइविकिठेहि अंतरा वासेहिं वसमाणे-वसमाणे केयइ-अद्धस्स' जणवयस्स मज्झमज्झेणं जेणेव कुणालाजणवए जेणेव सावत्थी नयरी तेणेव उवागच्छइ, सावत्थीए नयरीए मज्झमज्झेणं अणुपविसइ, जेणेव जियसत्तुस्स रण्णो गिहे जेणेव वाहिरिया उवट्ठाणसाला तेणेव उवागच्छइ, तुरए निगिण्हइ, रहं ठवेति, रहाओ पच्चोरुहइ, तं महत्थं 'महग्धं महरिहं विउलं रायारिहं पाहुडं गिण्हइ, जेणेव अभितरिया उवट्ठाणसाला जेणेव जियसत्तू राया तेणेव उवागच्छइ, जियसत्तू रायं करयलपरिग्गहियं' 'दसणहं सिरसावत्तं मत्थए अंजलि कटु जएणं विजएणं वद्धावेइ, तं महत्थं' 'महग्धं महरिहं विउल रायारिह° पाहुडं उवणेइ ।।
६८४. तए णं से जियसत्तू राया चित्तस्स सारहिस्स तं महत्थं 'महग्धं महरिहं विउलं रायारिहं° पाहुडं पडिच्छई', चित्तं सारहिं सक्कारेइ सम्माणेइ पडिविसज्जेइ, रायमग्गमोगाढंच से आवासं दलयइ ।। चित्तस्स आवास-पदं
६८५. तए णं से चित्ते सारही विसज्जिते समाणे जियसत्तुस्स रण्णो अंतियाओ पडिणिक्खमइ, जेणेव बाहिरिया उवट्ठाणसाला जेणेव 'चाउग्घंटे आसरहे तेणेव उवागच्छइ, चाउग्घंटं आसरहं दुरुहइ, सावत्थि नगरि मज्झमझेणं जेणेव रायमग्गमोगाढे आवासे तेणेव उवागच्छइ, तुरए निगिण्हइ, रहं ठवेइ, रहाओ पच्चोरुहइ, व्हाए कयवलिकम्मे कयकोउयमंगल-पायच्छित्ते सुद्धप्पावेसाइं मंगल्लाइं वत्याइं पवरपरिहिते अप्पमहग्घाभरणालं किए जिमियभुत्तत्तरागए विय णं समाणे पुत्वावरण्हकालसमयंसि गंधव्वेहि य णाडगेहि य उवनच्चिज्जमाणे उवगाइज्जमाणे उवलालिज्जमाणे इठे सद्द-फरिस-रस-रूव-गंधे पंचविहे माणुस्सए कामभोए पच्चणुभवमाणे विहरइ ।। केसि-आगमण-पदं ६८६. तेणं कालेणं तेणं समएणं पासावच्चिज्जे केसी नाम कुमार-समणे जातिसंपण्णे कुलसंपण्णे वलसंपणे रूवसंपण्णे विणयसंपण्णे नाणसंपण्णे दसणसंपण्णे चरित्तसंपण्णे लज्जासंपण्णे लाघवसंपण्णे ओयंसी तेयंसी वच्चंसी जसंसी जियकोहे जियमाणे जियमाए जियलोहे जियणिद्दे जिति दिए जियपरीसहे जीवियासमरणभयविप्पमुक्के तवप्पहाणे" गुणप्पहाणे करणप्पहाणे चरणप्पहाणे निग्गहप्पहाणे निच्छयप्पहाणेर अज्जवप्पहाणे महवप्पहाणे लाघवप्पहाणे खंतिप्पहाणे गुत्तिप्पहाणे" मुत्तिप्पहाणे विज्जप्पहाणे मंतप्पहाणे बंभप्पहाणे
१. अद्धाए (क, ख, ग, घ, च, छ) । २. मं० पा०--महत्थं जाव पाहुडं । ३. सं० पा०—करयलपरिग्गहियं जाव कटु । ४. सं० पाo-महत्थं जाव पाहुड । ५. सं० पा०.-महत्थं जाव पाहुडं । ६. पिच्छइ (क, ख, ग, घ, च, छ) । ७.X(क, ख, ग, घ, च, छ) ।
८. चाउघंटं आसरह (क, ख, ग, घ, च, छ) । ६. वच्चंसि सोहागंसि' (छ)। १०. जस्संसि बायंसि (क, ख, ग, घ, च, छ) । ११. वयप्पहाणे (क, ख, ग, ध, च, छ)। १२. x (क, ख, ग, घ, च, छ)। १३. x (क, ख, ग, घ, च) ।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |