Page Text
________________
१५०
रायपसेणइयं
लोगपज्जोयगराणं अभयदयाणं चक्खुदयाणं मग्गदयाणं सरणदयाणं वोहिदयाणं धम्मदयाणं धम्मदेसयाणं धम्मणायगाणं धम्मसारहीणं धम्मवरचा उरंतचक्कवट्टीणं अप्पडियवरणाणदसणधराणं विअट्टच्छउमाणं जिणाणं जावयाणं तिण्णाणं तारयाणं बुद्धाणं बोयाणं मुत्ताणं मोयगाणं सवण्णूणं सव्वदरिसीणं सिवं अयलं अरुअं अणंतं अक्खयं अव्वावाहं अपुणरावित्तिसिद्धिगइणामधेयं ठाणं संपत्ताणं वंदइ नमसइ, वंदित्ता नमंसित्ता
२६३. जेणेव सिद्धायतणस्स वहुमज्झदेसभाए तेणेव उवागच्छइ, उवागच्छित्ता' दिव्वाए दगधाराए अब्भवखेइ, अब्भक्खेत्ता सरसेणं गोसीसचंदणेणं पंचंगुलितलं 'दलयइ, दल इत्ता" कयग्गहगहियं 'करयलपब्भट्ठविप्पमुक्केणं दसद्ध वण्णेणं कुसुमेणं पुप्फ पुंजोवयारकलियं करेइ, करेत्ता धूवं दलयइ, दलयित्ता० दाहिणिल्लं पइ गमण-पदं
२६४. जेणेव सिद्धायतणस्स दाहिणिल्ले दारे तेणेव उवागच्छति, उवागच्छित्ता लोमहत्थगं परामुसइ, परामुसित्ता दारचेडाओ य सालभंजियाओ य वालरूवए य लोमहत्थएणं पमज्जइ, पमज्जित्ता दिवाए दगधाराए अब्भुक्खेइ, अब्भुक्खेत्ता सरसेणं गोसीसचंदणणं चच्चए दलयइ, दलइत्ता पुप्फारुहणं जाव आभरणारुहणं करेइ, करेत्ता आसत्तोसत्त' 'विउलवटेवग्धारियमल्लदामकलावं करेइ, करेत्ता कयग्गहगहियक रयलपब्भट्टविष्पमुक्केणं दसद्धवणेणं कुसुमेणं पुप्फपुंजोवयारकलियं करेइ, करेत्ता धूवं दलयइ, दलयित्ता
२६५. जेणेव दाहिणिल्ले दारे मुहमंडवे जेणेव दाहिणिल्लस्स मुहमंडवस्स बहुमज्झदेसभाए तेणेव उवागच्छइ, उवागच्छित्ता लोमहत्थग परामुसइ, परामुसित्ता बहुमज्झदेसभागं लोमहत्थेणं पमज्जइ, पमज्जित्ता दिवाए दगधाराए अब्भुक्खेइ, अब्भक्खेत्ता सरसेणं गोसीसचंदणेणं पंचंगुलितलं मंडलगं आलिहइ, आलिहित्ता कयग्गहगहिय करयलपब्भट्ठविप्पमुक्केणं दसवण्णेणं कुसुमेणं पुप्फपुंजोवयारकलियं करेइ, करेत्ता धूवं दलयइ, दलयित्ता---
२६६. जेणेव दाहिणिल्लस्स मुहमंडवस्स पच्चस्थिमिल्ले दारे तेणेव उवागच्छइ, उवागच्छित्ता लोमहत्थगं परामुसइ, परामुसित्ता दारचेडाओ य सालभंजियाओ य वालरूवए य लोमहत्थेणं पमज्जइ, पमज्जित्ता दिव्वाए दगधाराए अब्भुक्खेइ, अब्भुक्खेत्ता सरसेणं गोसीसचंदणेणं चच्चए दलयइ, दलयित्ता पुष्फारुहणं जाव आभरणारुहणं करेइ, करेत्ता आसत्तोसत्त' 'विउलवदृवग्घारियमल्लदामकलावं करेइ, करेत्ता कयग्गहगायिकरयलपन्भट्ठविप्पमुक्केणं दसद्धवण्णेणं कुसुमेणं पुप्फपुंजोवयारकलियं करेइ, करेत्ता धूवं दलयइ,
१. उवागच्छित्ता लोमहत्थर्ग परामुसइ, परामुसित्ता सिद्धायतणस्स बहुमज्झदेसभागं लोमहत्थेणं पमज्जति पमज्जित्ता (क, ख, ग, घ, च,
३. कयग्गाह (क, ख, ग, घ, छ)।
सं० पा०-कयग्गहहियं जाव पूजोवयारक
लियं । ४. सं० पा०-आसत्तोसत्त जाव धुवं । ५. सं० पा०–कयम्गहग हिय जाव धूवं । ६. सं० पा०-आसत्तोसत्त कयग्गहगहिय धूवं ।
२. पंचांगुलितलं ददाति (व); मंडलगं आलिहइ,
आलिहिता (क, ख, ग, घ, च, छ)।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |