Agam 13 Upang 02 Rajprashniya Sutra Raipaseniyam Terapanth

SR No.: 003569
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 470
Language: Prakrit
Classification: Book_Devnagari, Agam, Canon, & agam_rajprashniya
File Size: 9 MB

Page 139

१४२
रायपसेणइयं
सुपतिट्ठाणं 'मणोगुलियाणं वायकरगाणं चित्ताणं" रयणकरंडगाणं, पुप्फचंगेरीणं •मल्लचंगेरीणं चुण्णचंगेरीणं गंधचंगेरीणं वत्थचंगेरीणं आभरणचंगेरीणं सिद्धत्थचंगेरीणं° लोमहत्थचंगेरीणं, पुप्फपडलगाणं' 'मल्लपडलगाणं चुण्णपडलगाणं गंधपडलगाणं वत्थपडलगाणं आभरणपडलगाणं सिद्धत्थपडलगाणं लोमहत्थपडलगाणं, सीहासणाणं छत्ताणं चामराणं, तेल्लसमुरगाणं' 'कोट्ठसमुग्गाणं पत्तसमुगाणं चोयगसमुग्गाणं तगरसमुग्गाणं एलासमुरगाणं हरियालसमुग्गाणं हिंगुलयसमुग्गाणं मणोसिलासमुग्गाणं. अंजणसमुग्गाणं अट्ठसहस्सं झयाणं, अट्ठसहस्सं धूवकडुच्छुयाण विउव्वंति, विउवित्ता ते साभाविए य वेउविवए य कलसे य जाव कडुच्छुए य गिण्हति, गिण्हित्ता सूरियाभाओ विमाणाओ पडिनिक्खमंति, पडिनिक्खमित्ता ताए उक्किट्ठाए तुरियाए चवलाए 'चंडाए जवणाए सिग्धाए उद्धयाए दिव्वाए देवगईए तिरियमसंखेज्जाणं दीवसमुदाणं मज्झंमज्झेणं वीतिवयमाणावीतिवयमाणा जेणेव खीरोदयसमुद्दे तेणेव उवागच्छंति, उवागच्छित्ता खीरोयगं गिण्हंति, गिण्हित्ता 'जाई तत्थुप्पलाई 'पउमाइं कुमुयाई गलिणाई सुभगाई सोगंधियाई पोंडरीयाई महापोंडरीयाई सयवत्ताइं° सहस्सपत्ताई ताई गिण्हंति, गिण्हित्ता जेणेव पुक्खरोदए समुद्दे तेणेव उवागच्छंति, उवागच्छित्ता पुक्खरोदयं गेण्हंति, गेण्हिता जाई तत्युप्पलाई जाव सहस्सपत्ताई ताई गिण्हंति, गिण्हित्ता" जेणेव समयखेत्ते जेणेव भरहेरवयाइं वासाइं जेणेव मागहवरदामपभासाइं तित्थाई तेणेव उवागच्छंति, उवागच्छित्ता तित्थोदगं गेण्डति, गेण्डित्ता तित्थमद्रियं गेण्डति, गेण्डित्ता जेणेव गंग-सिंधू-रत्ता-रत्तवईओ महानईओ तेणेव उवागच्छंति, उवागच्छित्ता सलिलोदगं" गेण्हंति, गेण्हित्ता उभओकूलमट्टियं गेण्हंति, गेण्हित्ता जेणेव चुल्ल हिमवंतसिहरिवासहरपव्वया तेणेव उवागच्छंति, उवागच्छित्ता सव्वतूयरे" सव्वपुप्फे सव्वगंधे सव्वमल्ले सव्वोसहिसिद्धत्थए गिण्हंति, गिण्हित्ता जेणेव पउम-पुंडरीय दहा तेणेव उवागच्छंति, उवागच्छित्ता दहोदगं गेण्हंति, गेण्हित्ता जाई तत्थ उप्पलाई जाव सहस्सपत्ताइं ताई गेण्हंति, गेण्हित्ता जेणेव हेमवय-एरण्णवयाइं वासाइं जेणेव रोहिय-रोहियंस-सुवण्णकूलरुप्पकलाओ महाणईओ तेणेव उवागच्छंति, उवागच्छित्ता सलिलोदगं गेण्हंति, गेण्हित्ता
१. ४ (क, ख, ग, घ, च, छ) !
७. सं० पा०-चवलाए जाव तिरियमसंखेज्जाणं २. सं० पा०-पुप्फचंगेरीणं जाव लोमहत्थ- जाव वीतिवयमाणा । चंगेरीणं ।
८.सं पा०–तत्थुप्पलाइं जाव सहस्सपत्ताई। ३. मं० पा०-पुप्फपडलगाणं जाव लोमहत्थ- ६. जाई तत्थुप्पलाइं ताइं गेहति गेण्हित्ता (क, पडलगाणं।
ख, ग, घ)। ४.सं० पा०-तेल्लसमुग्गाणं जाव अंजणस- १०. सरितोदगं (जी० ३.४४५) 1 मुरगाणं ।
११. सव्वतुयरे (क, ख, ग, घ, च, छ) । ५. अट्ठमयं (क, ख, ग, घ, च, छ)।
१२. दहे (छ)। ६. "च्छयाणं (क, ख, ग, घ, च, छ)। १३. ४ (क, ख, ग, घ)।