Page Text
________________
सूरियाभो
१४१ पुवि पि पच्छा वि हियाए सुहाए खमाए निस्सेयसाए आणुगामियत्ताए भविस्सति ॥ सूरियाभस्स अभिसेग-पदं
२७७. तए णं से सूरियाभे देवे तेसिं सामाणियपरिसोववण्णगाणं देवाणं अंतिए एयमटठं सोच्चा निसम्म दृढ़तदार चित्तमाणदिए पीइमणे परमसोमणस्सिए हरिसवसविसप्पमाण° हियए' सयणिज्जाओ अब्भुट्ठति, अब्भुठेत्ता उववायसभाओ पुरथिमिल्लेणं दारेणं निग्गच्छइ, जेणेव हरए तेणेव उवागच्छति, उवागच्छित्ता हरयं अणुपयाहिणीकरेमाणे-अणुपयाहिणीकरेमाणे पुरथिमिल्लेणं तोरणेणं अणुपविसइ, अणुपविसित्ता पुरत्थिमिल्लेणं तिसोवाणपडिरूवएणं पच्चोरुहइ, पच्चोरुहित्ता जलावगाहं करेइ, करेत्ता जलमज्जणं करेइ, करेता जलकिड्डं करेइ, करेत्ता जलाभिसेयं करेइ, करेत्ता आयंते चोक्खे परमसुईभए हरयाओ पच्चोत्तरइ, पच्चोत्तरित्ता जेणेव अभिसेयसभा तेणेव उवागच्छति, उवागच्छित्ता अभिसेयसभं अणुपयाहिणीकरेमाणे-अणुपयाहिणीकरेमाणे पुरथिमिल्लेणं दारेणं अणुपविसइ, अणुपविसित्ता जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे सण्णिसण्णे ।।
२७८. तए f सूरियाभस्स देवस्स सामाणियपरिसोववण्णगा देवा आभिओगिए देवे सद्दावेंति, सद्दावेत्ता एवं वयासी-खिप्पामेव भो ! देवाणु प्पिया ! सूरियाभस्स देवस्स महत्थं महग्धं महरिहं विउलं इंदाभिसेयं उवट्ठवेह ॥
२७६. तए णं ते आभिओगिआ देवा सामाणियपरिसोववण्णेहिं देवेहिं एवं वुत्ता समाणा हट्ट' "तुद-चित्तमाणंदिया पीइमणा परमसोमणस्सिया हरिसवस-विसप्पमाण हियया करयलपरिग्ग हियं दसणहं सिरसावत्तं मत्थए अंजलि कटु एवं देवा ! तहत्ति आणाए विणएणं वयण' पडिसुणंति, पडिसुणित्ता उत्तरपुरथिमं दिसीभागं अवक्कमंति, अवक्कमित्ता वेउब्वियसमुग्धाएणं समोहण्णंति, समोहणित्ता संखेज्जाई जोयणाई 'दंडं निसिरंति, तं जहा--रयणाणं वइराणं वेरुलियाणं लोहियक्खाणं मसारगल्लाणं हंसगब्भाणं पुलगाणं सोगंधियाणं जोईरसाणं अंजणाणं अंजणपुलगाणं रययाणं जायरूवाणं अंकाणं फलिहाणं रिट्ठाणं अहाबायरे पोग्गले परिसा.ति, परिसाडेता अहासुहमे पोग्गले परियायंति, परियाइत्ता' दोच्चं पि वेउव्वियसमुग्धाएणं समोहण्णं ति, समोहणित्ता अट्ठसहस्सं सोवण्णियागं कलसाणं, अट्ठसहस्सं रुप्पमयाणं कलसाणं, अट्ठसहस्सं मणिमयाणं कलसाणं, अट्टसहस्सं सुवण्णरुप्पामयाणं कलसाण, अट्टसहस्सं सुवण्णमणिमयाणं कलसाणं. अट्ठसहस्सं रुप्पमणिमयाणं कलसाणं, अट्ठसहस्सं सुवण्णरुप्पमणिमयाणं कलसाणं, अट्ठसहस्सं भोमिज्जाणं कलसाणं, एवं-भिगाराणं आयंसाणं थालाणं पाईणं
१. ४ (क, ख, ग, घ)। २. सं० पा.--हट्टतुटु जाव हियए। ३. हयहियए (ख, ग, घ, च, छ)। ४. पुरत्थिमेणं (क, ख, ग, घ, च) !
५. सं० पा०-हट्ट जाव हियया। ६. ४ (क, ख, ग, घ, च, छ)। ७. संपा०.-जोयणाइं जाव दोच्चं । ८. अटुसयं (क, ख, ग, घ, च),
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |