Page Text
________________
ओवाइय-पयरणं सरीरकायजोग' जंजइ ? गोयमा ! ओरालियसरीरकायजोगं जंजइ, ओरालियमीसासरीरकायजोगं पि जुजइ, णो वे उब्वियसरीरकायजोगं मुंजइ, णो वेउन्वियमीसासरीरकायजोगं मुंजइ णो आहारगसरीरकायजोगं जंजइ, णो आहारगमीसासरीरकायजोगं जुंजइ, कम्मगसरीरकायजोगं पि जुजइ । पढमट्ठमेसु समएसु ओरालियसरीरकायजोगं जुजइ, बिइय-छट्ठ-सत्तमेसु समएसु ओरालिमीसासरीरकायजोगं जुजइ, तइय-चउत्थ-पंचमेहिं कम्मसरीरकायजोगं जुंजइ ॥ .
१७७. से णं भंते ! तहा समुग्घायगए "सिज्झइ बुज्झइ मुच्चइ परिणिव्वाइ" सव्वदुक्खाणमंतं करेइ ? णो इणठे समझें । से णं तओ पडिणियत्तइ, पडिणियत्तित्ता इहमागच्छइ, आगच्छित्ता तओ पच्छा मणजोगं पि जुंजइ, वयजोग पि जंजइ, कायजोगं पि जुजइ॥
१७८. मणजोगं जुंजमाणे कि सच्चमणजोगं जुजइ ? मोसमणजोगं जुजइ ? सच्चामोसमणजोगं जुजइ ? असच्चामोसमणजोगं जुजइ ? गोयमा ! सच्चमणजोगं जुजइ, गो मोसमणजोगं जुंजइ, णो सच्चामोसमणजोगं जुंजइ, असच्चामोसमणजोगं पि जुंजइ ॥
१७६. वयजोगं जुजमाणे कि सच्चवइजोगं जुजइ ? मोसवइजोगं जुजइ ? सच्चामोसवइजोगं जुजइ ? असच्चामोसवइजोगं जुजइ ? गोयमा ! सच्चवइजोगं जुजइ, णो मोसवइजोग, जुजइ, णो सच्चामोसवइजोगं जुजइ, असच्चामोसवइजोगं पि जुंजइ ।।
१८०. कायजोगं जुजमाणे आगच्छेज्ज वा चिट्ठज्ज वा णिसीएज्ज वा तुय?ज्ज वा उल्लंघेज्ज वा पल्लंघेज्ज वा, उक्खेवणं वा अवक्खेवणं वा तिरियक्खेवणं वा करेज्जा, पाडिहारियं वा पीढ-फलग-सेज्जा-संथारगं पच्चप्पिणेज्जा ।। जोग-निरोह-पदं
१८१. से णं भंते । तहा सजोगी सिज्झइ 'बुज्झइ मुच्चइ परिणिव्वाइ सव्वदुक्खाण° मंतं करेइ ? णो इणठे समढें ॥
१८२. से णं पुत्वामेव सण्णिस्स पंचिंदियस्स पज्जत्तगस्स जहण्णजोगिस्स' हेट्ठा असंखेज्जगुणपरिहीणं पढमं मणजोगं निरंभइ, तयाणंतरं च णं बिदियस्स पज्जत्तगस्स जहण्णजोगिस्स हेट्ठा असंखेज्जगुणपरिहीणं विइयं वइजोगं निरंभइ, तयाणंतरं च णं सुहमस्स पणगजीवस्स' अपज्जत्तगस्स जहण्णजोगिस्स" हेट्टा असंखेज्जगुणपरिहीणं तइयं कायजोगं णिरुंभइ । से णं 'एएणं उवाएणं पढम मणजोगणिरुंभइ, णिरुभित्ता वयजोगं १. कम्मसरीर' (क); कम्मासरीर (ख, ग)। ६. जहण्णमणजोगिस्स (ख); जहण्णनोगस्स २. सिज्झिहिइ बुज्झिहिइ मुच्चिहिइ परिनिवा- (ग)। हिइ (क, ख, ग)।
७. पंचिदियस्स (क, ख)। ३. पक्खेवणं (क)।
८. जहण्णवयजोगस्स (ख) । ४. सिज्झिहिति (क, ख, ग); सं० पा०- ६. पणमस्स (क)। सिज्झइ जाव मंतं ।
१०. जहण्णकायजोगस्स (ख, ग)। ५. करिहिति (क, ख)।
११. पउत्तेणं उवाएणं (क)।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |