Page Text
________________
७४
ओवाइय
गिरंभइ, गिरंभित्ता कायजोगं णिरंभइ, गिरंभित्ता जोगनिरोहं करेइ, करेत्ता अजोगतं' पाउणइ, पाउ णित्ता ईसिंहस्स पंचक्खरुच्चारणद्धाए' असंखेज्जसमइयं अंतोमुहुत्तियं' सेलेसि पडिवज्जइ । पुव्वरइयगुणसेढीयं च णं कम्मं तीसे सेलेसिमद्धाए असंखेज्जाहिं गुणसेढीहिं अणते कम्मंसे खवयंतो वेयणिज्जाउयणामगोए इच्चेते चत्तारि कम्मंसे जुगवं खवेइ, खवेत्ता ओरालियतेयकम्माई' सव्वाहि विप्पजहणाहि विप्पजहित्ता' उज्जुसेढीप डिवण्णे अफुसमाणगई उड्ढ" एक्कसमएणं अविग्गहेणं गंता' सागरोवउत्ते सिज्झइ || सिद्ध-वण-पदं
१८३. ते णं तत्थ सिद्धा हवंति सादीया अपज्जवसिया असरीरा जीवघणा दंसणणाणोवउत्ता निट्टियद्वा निरेयणा नीरया णिम्मला वितिमिरा विसुद्धा सासयमणागयद्ध' चिट्ठति ।
१८४. से केणट्ठणं भंते ! एवं बुच्चइ - ते णं तत्थ सिद्धा भवंति सादीया अपज्जवसिया" "असरीरा जीवघणा दंसणणाणोवउत्ता निट्ठियट्ठा निरेवणा नीरया गिम्मला वितिमिरा विसुद्धा सासयमणागयद्धं° चिट्ठति ? गोयमा ! से जहाणामए बीयाणं अग्गिदड्ढाणं पुणरवि अंकुरुपत्ती ण भवइ, एवामेव सिद्धाणं कम्मबीए दड्ढे पुणरवि जम्मुप्पत्ती न भवइ । से तेणट्ठेणं गोयमा ! एवं बुच्चइ - ते णं तत्थ सिद्धा भवंति सादीया अपज्जवसिया " "असरीरा जीवषणा दंसणणाणोवउत्ता निट्टियट्ठा निरेयणा नीरया णिम्मला वितिमिरा विसुद्धा सासयमा गयद्धं° चिट्ठेति ॥
१८५. जीवा णं भंते! सिज्झमाणा कयरम्मि संघयणे सिज्झति ? गोयमा ! वइरोभणारायसंघयणे सिज्झति ॥
१८६. जीवा णं भते ! सिज्झमाणा कयरम्मि संठाणे सिज्झति ? गोयमा ! छण्ह संठाणाणं अण्णयरे संठाणे सिज्झति ॥
१८७. जीवा णं भंते! सिज्झमाणा कयरम्मि उच्चत्ते सिज्झति ? गोयमा ! जहणेणं सत्तरयणीए उक्कोसेणं पंचधणुसइए सिज्झति ॥
१८८. जीवा णं भंते! सिज्झमाणा कयरम्मि आउए सिज्झति ? गोयमा ! जहष्णेणं साइरेगट्ठवासाउए, उक्कोसेणं पुव्वकोडियाउए सिज्झति ॥
१८६. अस्थि णं भंते ! इमीसे रयणप्पहाए पुढवीए अहे सिद्धा परिवसंति ? णो इणट्ठे समट्ठे । एवं जाव" अहसत्तमाए ॥
१६०. अस्थि णं भंते! सोहम्मस्स कप्पस्स अहे सिद्धा परिवसंति ? णो इणट्ठे समट्ठे । एवं सव्वेसि पुच्छा - ईसाणस्स सणकुमारस्स जाव" अच्चुयस्स गेवेज्जविमाणाणं
१. अजोगयं (वृ) |
२. ईसिपंच रहस्सक्खरुच्चारणद्धाए ( ख, ग ) ।
३. अंतमुत्तं ( ग ) ।
४. खवेइ ( ख ) ।
५. तेयाकम्माई (क, ग) 1
६. विप्पजहइ, २ ता (क) ।
Jain Education International
७. X (बु) 1
८. उड्ढं गंता (बु) ।
६. मणागयद्धं कालं ( ख ) 1
१०, ११. सं० पा०
अपज्जवसिया जान चिट्ठेति ।
१२. भ० २७५ । ११. ओ० सू० ५१ ।
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |