Page Text
________________
७२
अोवाइयं
चंदसंठाणसंठिए, एक्कं जोयणसयसहस्सं आयामविक्खंभेणं तिण्णि जोयणसयसहस्साई सोलससहस्साइं दोणि य सत्तावीसे जोयणसए तिणि य कोसे अट्ठावीसं च धणु सयं तेरस य अंगुलाई अद्धंगुलियं च किंचि विसेसाहिए परिक्खेवेणं पण्णत्ते। देवे णं महिड्ढीए महज्जुतीए महब्बले महाजसे महासोक्खे महाणुभावे सविलेवणं गंधसमुग्गयं गिण्हइ, गिण्हित्ता तं अवदालेइ, अवदालेत्ता जाव इणामेव त्ति कटु केवलकप्पं जंबुद्दीवं दीवं तिहि अच्छरा-णिवाएहि तिसत्तखुत्तो अणुपरियट्टित्ता णं हव्वमागच्छेज्जा। से गूणं गोयमा ! से केवलकप्पे जंबुद्दीवे दीवे तेहिं घाणपोग्गलेहिं फुडे ? हंता फुडे । छउमत्थे णं गोयमा ! मणस्से तेसि घाणपोग्गलाणं किचि वण्णणं वणं' 'गंधेण गंधं रसेणं रसं फासेणं फासं° जाणइ पासइ ? भगवं! णो इणठे समठे। से तेणठेणं गोयमा ! एवं वुच्चइछउमत्थे ण मणुस्से तेसिं णिज्जरा-पोग्गलाणं णो किचि वण्णणं वणं' गंधणं गंधं रसेणं रसं फासेणं फासं° जाणइ पासइ । एसुहुमा णं ते पोग्गला पण्णत्ता समणाउसो ! सव्वलोयं पिय गं ते फुसित्ता णं चिट्ठति ।
१७१. कम्हा णं भंते ! केवली समोहणंति ? कम्हा णं केवली समुग्धायं गच्छंति ? गोयमा ! केवलीणं चत्तारि कम्मंसा अपलिक्खीणा' भवति, तं जहा-वेयणिज्ज आउयं णाम गोत्तं । सव्ववहए से वेयणिज्जे कम्मे भवइ, सव्वत्थोवे से आउए कम्मे भवइ, विसमं समं करेइ, बंधणेहि ठिईहि य, विसमस मकरणयाए, बंधणेहिं ठिईहि य। एवं खलु केवली समोहणंति, एवं खलु केवली समुग्घायं गच्छति ॥ १७२. सव्वे वि णं भंते ! केवली समुग्घायं गच्छंति ? णो इण? समठे।
___ 'अकिया ण" समुग्घायं, अणंता केवली जिणा ।
जरमरणविप्पमुक्का, सिद्धिं वरगई गया ॥१॥ १७३. क इसमए णं भंते ! आवज्जीकरणे पण्णत्ते ? गोयमा ! असंखेज्जसमइए अंतोमुहुत्तिए पण्णत्ते ।।
१७४. केवलिसमुग्घाए णं भंते ! कइसमइए पण्णत्ते, ? गोयमा ! अट्ठसमइए पण्णत्ते, तं जहा---पढमे समए दंडं करेइ, वीए समए कवाडं करेइ, तइए समए मंथं करेइ, चउत्थे समए लोयं पूरेइ, पंचमे समए लोयं पडिसाहरइ, छठे समए मंथं पडिसाहरइ, सत्तमे समए कवाडं पडिसाहरइ, अट्ठमे समए दंड पडिसाहरइ, पडिसाहरित्ता सरीरत्थे भवइ ।
१७५. से णं भंते ! तहा समुग्घायगए कि मणजोगं झुंजइ ? वयजोगं जुजइ ? कायजोगं जुजइ ? गोयमा ! णो मणजोगं झुंजइ, णो वयजोगं जुंजइ, कायजोगं जुजइ ।।
१७६. कायजोगं जुजमाणे कि ओरालियसरीरकायजोगं जुजइ ? ओरालियमीसासरीरकायजोग जुजइ ? वेउव्वियसरीरकायजोगं जुजइ ? वेउव्वियमीसासरीरकायजोगं जुंजइ ? आहारगसरीरकायजोगं जुंजइ ? आहारगमीसासरीरकायजोगं झुंजइ ? कम्मग१, २. सं० पा०--वण्णं जाव जाणई।
५. जाइजरामरणविप्पमुक्का (ख, ग)। ३. 'अवेइया अनिज्जिणा' ति क्वचिद् दृश्यते ६. मीससरीर' (ख, ग); "मिस्ससरीर'
(क्वचित्)। ४. अकिरिया ण (ख); अकित्ता णं (क्वचित्) ।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |