Page Text
________________
मोवाइय-पयरणं
वासाई छउमत्थ-परियागं पाउणंति, पाउणित्ता आबाहे उप्पण्णे वा अणुप्पण्णे वा भत्तं पच्चक्खंति । ते वहुई भत्ताई अणसणाए छेदेंति, छेदेत्ता जस्सद्वाए कीरइ नग्गभावे *मुंडभावे अण्हाणए अदंतवणए केसलोए बंभचेरवासे अच्छत्तगं अणोवाहणगं भूमिसेज्जा फलहसेज्जा कटूसेज्जा परघरपवेसो लद्धावलद्धं परेहिं हीलणाओ निंदणाओ खिसणाओ गरहणाओ तज्जणाओ तालणाओ परिभवणाओ पव्वहणाओ उच्चावया गामकंटगा वावीसं परीसहोवसग्गा अहिया सिज्जति', तमट्ठमाराहित्ता चरिमेहिं उस्सासणिस्सासे हि अणतं अणुत्तरं निवाघायं निरावरणं कसिणं पडिपुण्णं केवलवरणाणदंसणं उप्पाडेंति', तओ पच्छा सिज्झिहिति' 'बुझिहिति मुच्चिहिति परिणिवाहिति सव्वदुक्खाण° मंतं करेहिति।
१६७. एगच्चा पुण एगे भयंतारो पुवकम्मावसेसेणं कालमासे कालं किच्चा उक्कोसेणं सव्वसिद्धे महाविमाणे देवत्ताए उववत्तारो भवंति । तहि तेसिं गई, तहिं तेसिं ठिई, तहिं तेसि उववाए पण्णत्ते । तेसिं णं भंते ! देवाणं केवइयं कालं ठिई पण्णता? गोयमा ! तेत्तीसं सागरोवमाई ठिई पण्णत्ता । अत्थि णं भंते ! तेसिं देवाणं इड्ढीइ वा जुईइ वा जसेइ वा बलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स राहगा? हंता अस्थि ॥
१६८. सेज्जे इमे गामागर'-*णयर-णिगम-रायहाणि-खेड-कब्बड-दोणमुह-मडंबपट्टणासम-संबाह-सण्णिवेसेसु मणुया भवंति, तं जहा-सव्वकामविरया सव्वरागविरया सव्वसंगातीता सम्वसिणेहाइक्कंता अक्कोहा निक्कोहा खीणक्कोहा "अमाणा निम्भाणा खीणमाणा अमाया निम्माया खीणमाया अलोहा निल्लोहा खीणलोहा° अणुपुव्वेणं अटू कम्मपयडीओ खवेत्ता उप्पि लोयग्गपइट्ठाणा भवंति ॥ केवलिससुग्घाय-पदं
१६६. अणगारे णं भंते ! भावियप्पा केवलिसमुग्घाएणं समोहए" केवलकप्पं लोयं फुसित्ता णं चिटुइ ? हंता चिट्ठइ । से गुणं भंते ! केवलकप्पे लोए तेहि निज्जरापोग्गलेहि फुडे ? हंता फुडे ! छउमत्थे णं भंते ! मणुस्से तेसिंणिज्जरापोग्गलाणं किंचि वण्णेणं वणं गंधेणं गंधं रसेणं रसं फासेणं फासं जाणइ पासइ ? गोयमा ! णो इणठे समठे।।
१७०. से केणठेगं भंते ! एवं बच्चइ-छउमत्थे णं मणुस्से तेसि णिज्जरापोग्गलाणं णो किचि वण्णेणं वणं 'गंधणं गंधं रसेणं रसं फासेणं फासं° जाणइ पासइ ? गोयमा ! अयं णं जंबुद्दीवे दीवे सव्वदीवसमुदाणं सव्वभंतराए सव्वखुड्डाए वट्टे तेल्लापूयसंठाणसंठिए, वट्टे रहचक्कवालसंठाणसंठिए, वट्टे पुक्खरकणियासंठाणसंठिए, वट्टे पडिपुण्ण१. सं० पा०-नग्गभावे जाव तमट्ठमाराहिता! हगा चेव सेसं तं चेव । २. समुष्पाडिति (क)।
७. सं० पा०-गामागर जाव सण्णिवेसेस । ३. सं० पा०-सिज्झिहिंति जाव मंत।
६. ४ (क, ख, ग)। ४. काहिति (ख, ग)।
९. सं० पा०-मागे माया लोहा । ५. तेहि (क, ख, ग)।
१०. समोहणइ २ त्ता (क, ख, ग) ६. सं० पा०-तेतीसं सागरोदमाई ठिई आरा- ११. सं० पा०-वणं जाव जाणइ ।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |