Page Text
________________
ओबाइय-पयरणं
१२७. अम्मडस्स णं परिव्वायगस्स णो कप्पइ इत्थिकहाइ वा भत्तकहाइ वा रायकहाइ वा देसकहाइ वा चोरकहाइ वा जणक्यकहाइ वा अणत्थदंडं करित्तए ।।
१२८. अम्मडस्स णं परिव्वायगस्स णो कप्पइ अयपायाणि वा तंवपायाणि वा तउयपायाणि वा सीसगपायाणि वा रयय-जायरूव-काय-वेडंतिय-वट्टलोह-कंसलोह-हारपुडयरीतिया-मणि-संख-दंत-चम्म-चेल-सेल-पायाणि वा अण्णयराई वा तहप्पगाराई महद्धणमोल्लाइंधारित्तए, णण्णत्थ अलाउपाएण वा दारुपाएण वा मट्टियापारण वा ।।
१२६. अम्मडस्स णं परिव्वायगस्स णो कप्पइ अयबंधणाणि वा तंवबंधणाणि वा तउयबंधणाणि वा सीसगबंधणाणि वा रयय-जायरूव-काय-वेडंतिय सलोहहारपुडय-रीतिया-मणि-संख-दंत-चम्म-चेल-सेल-बंधणाणि वा अण्णय राई वा तहप्पगाराई महद्धणमोल्लाइंधारित्तए ।
१३०. अम्मडस्स णं परिवायगस्स णो कप्पइ णाणाविहवण्णरागरत्ताई वत्थाई धारित्तए, णण्णत्थ एगाए धाउरत्ताए।
१३१. अम्मडस्स णं परिव्वायगस्स णो कप्पइ हारं वा अद्धहारं वा एगावलि वा मुत्तावलि वा कणगावलि वा रयणावलि वा मुरवि वा कंठमुरवि वा पालंबं वा तिसरयं वा कडिसुत्तं वा दसमुद्दिआणतगं वा कडयाणि वा तुडियाणि वा अंगयाणि वा केऊराणि वा कुडलाणि वा मउडं वा चूलामणि वा पिणिद्धत्तए, णण्णत्थ एगेणं तंबिएणं पवित्तएणं ।।
१३२. अम्मडस्स णं परिव्वायगस्स णो कप्पइ गथिम-वेढिम-पूरिम-संघाइमे च उबिहे मल्ले धारित्तए, णण्णत्थ एगेणं कण्णपूरेणं ।।
१३३. अम्मडस्स णं परिव्वायगस्स णो कप्पइ अगलुएण वा चंदणेण वा कुंकुमेण वा गायं अणुलिपित्तए', णण्णत्थ एक्काए गंगामट्टियाए ।।
१३४. अम्मडस्स णं परिव्वायगस्स णो कप्पइ आहाकम्मिए वा उद्देसिए वा मीसजाएइ वा अज्झोयरएइ वा पूइकम्मेइ वा कोयगडेइ वा पामिच्चेइ वा अणिसिठेइ वा अभिहडेइ वा 'ठवियएइ वा" 'रइयएइ वा कंतारभत्तेइ वा दुब्भिक्खभत्तेइ वा गिलाणभत्तेइ वा वद्दलियाभत्तेइ वा पाहुणगभत्तेइ वा भोत्तए वा पायए वा॥
१३५. अम्मडस्स णं परिव्वायगस्स णो कप्पइ मूलभोयणेइ वा' 'कंदभोयणेइ वा फलभोयणेइ वा हरियभोयणेइ वा बीयभोयणेइ वा भोत्तए वा पायए वा।
१३६. अम्मडस्स णं परिव्वायगस्स चउबिहे अणट्ठादंडे पच्चक्खाए जावज्जीवाए, तं जहा-अवज्झाणायरिए पमायायरिए हिंसप्पयाणे पावकम्मोवएसे ।।
१३७. अम्मडस्स कप्पइ मागहए अद्धाढए जलस्स पडिग्गाहित्तए, से वि य वहमाणा णो चेव णं अवहमाणए', 'से वि य थिमिओदए णो चेव णं कद्दमोदए, से वि य वहप्पसणे णो चेव णं अवहुप्पसण्णे , से वि य परिपूए णो चेव णं अपरिपूए, से वि य सावज्जे त्ति काउं' णो चेव णं अणवज्जे, से वि य जीवा ति काउं' णो चेव णं अजीवा, से वि य दिण्णे १. ठवइत्तए वा (ख)।
४. सं० पा०-अवहमाणए जाव से। २. रइत्तए वा (क, ख); x (ग)।
५. कट्टुं (ग, वृ)। ३. सं० पा०-मूलभोयणे इ वा जाव बीयभोयणे । ६. कट्टे (क, ग, वृ)।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |