Page Text
________________
६०
मोवाइय
घरसए वसहि उवेइ । से तेणठेणं गोयमा! एवं वुच्चइ-अम्म परिव्वायए कंपिल्लपुरे णयरे घरसए 'आहारमाहरेइ, घरसए° वसहिं उवेइ ।।
१२०. पह णं भंते ! अम्मडे परिव्वायए देवाणु प्पियाणं अंतियं मुंडे भवित्ता अगाराओ अणगारियं पव्वइत्तए ? णो इणठे समठे। गोयमा ! अम्मडे णं परिवायए समणोवासए अभिगयजीवाजीवे' 'उक्लद्धपुण्णपावे आसव-संवर-निज्जर-किरियाहिगरण-बंध-मोक्खकुसले असहेज्जदेवासुरणाग-सुवण्ण-जक्ख-रक्खस-किन्नर-किपुरिस-गरुल-गंधव-महोरगाइएहि निग्गंथाओ पावयणाओ अणइक्कमणिज्जे इणमो निग्गंथे पावयणे णिस्संकिए णिक्कं. खिए निम्वितिगिच्छे लद्धडे गह्यिठे पुच्छियठे अभिगयठे विणिच्छियछे अलिमिजपेमाणुरागरत्ते 'अयमाउसो! निग्गंथे पावयणे अठे अयं परमठे सेसे अणठे च उद्दसअट्ठमुद्दिठ्ठपुण्णमासिणीसु पडिपुण्णं पोसहं अणुपालेमाणे समणे निग्गंथे फासुएसणिज्जेणं असण-पाण-खाइम-साइमेणं वत्थ-पडिग्गह-कंवल-पायपुच्छणणं ओसह सज्जेणं पाडिहारिएणं पीढफल गसेज्जा-संथारएणं पडिलाभेमाणे सीलव्वय-गुण-वेरमण-पच्चक्खाण-पोसहोववासेहिं अहापरिग्गहिएहि तवोकम्मेहि अप्पाणं भावेमाणे विहरइ ।
१२१. अम्मडस्स णं परिवायगस्स थूलए पाणाइवाए पच्चक्खाए जावज्जीवाए 'मुसावाए अदिण्णादाणे पच्चक्खाए जावज्जीवाए सव्वे मेहुणे पच्चक्खाए जावज्जीवाए थूलए परिग्गहे पच्चक्खाए जावज्जीवाए ॥ - १२२. अम्मडस्स णं परिव्वायगस्स गो कप्पइ अक्खसोयप्पमाणमेत्तंपि जलं सयराहं उत्तरित्तए, णण्णत्थ अद्धाणगमणेणं ।।।
१२३. अम्मडस्स णं परिवायगस्स णो कप्पइ सगडं वा 'रहं वा जाणं वा जुग्गं वा गिल्लि वा थिल्लि वा पवहणं वा सीयं वा संदमाणियं वा दुरुहित्ताणं गच्छित्तए ।
१२४. अम्मडस्स णं परिवायगस्स णो कप्पइ आसं वा हत्थिं वा उट्ट वा गोणं वा महिसं वा खरं दुरुहित्ताणं गमित्तए, णण्णत्थ बलाभिओगेणं ॥
१२५. अम्मडस्स णं परिव्वायगस्स णो कप्पइ नडपेच्छाइ वा णट्टगपेच्छाइ वा जल्लपेच्छाइ वा मल्लपेच्छाइ वा मुठ्ठियपेच्छाइ वा बेलबगपेच्छाइ वा पवगपेच्छाइ वा कहगपेच्छाइ वा लासगपेच्छाइ वा आइक्खगपेच्छाइ वा लंखपेच्छाइ वा मंखपेच्छाइ वा तूणइल्लपेच्छाइ वा तुववीणियपेच्छाइ वा भयगपेच्छाइ वा मागहपेच्छाइ वा पेच्छित्तए ।।
१२६. अम्मडस्स णं परिवायगस्स णो कप्पइ हरियाणं लेसणया वा घट्रणया वा थंभणया वा लूसणया वा उप्पाडणया वा करित्तए । १. क्वचित् 'अम्बडे' दृश्यते तदथुक्तम् (व)। ४. क्वचित् 'गरुडे' त्ति नाधीयते (व) । २. सं० पा०-घरसए जाव बसहि । ___५. क्वचित् 'इणमो निग्गंथे' इति दृश्यते (वृ.) । ३. सं० पा.--अभिगयजीवाजीवे जाव अप्पाण ६. सं० पा०---जावज्जीवाए जाव परिगहे णवरं भावेमाणे विहरइ, वरं ऊसियफलिहे सम्वे मेहणे पच्चक्खाए जावज्जीवाए । अवंगुयद्वारे चियत्ततेउरघरदारपवेसी ७. सं० पा०-सगडं वा तं चेव भाणियध्वं जाव (क्वचित् 'चियत्तघरतेउरपवेसी' ति–ब)
णण्णत्थ एक्काए गंगामट्टियाए । एयं ण दुच्चइ ।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |