Page Text
________________
मोबाइये
इमीसे अगामियाए 'छिण्णाबायाए दीहमद्धाए अडवीए उदगदातारस्स सव्वओ समंता मग्गण-गवेसणं करित्तए त्ति कटु अण्णमण्णस्स अंतिए एय मट्ठ पडिसुणेति, पडिसुणेत्ता तीसे अगामियाए' 'छिण्णावायाए दीहमद्धाए" अडबीए उदगदातारस्स सव्वाओ समंता मग्गण-गवेसणं करेंति, करेत्ता उदगदातारमलभमाणा दोच्चंपि अण्णमण्णं सहावेंति,सद्दावेत्ता एवं वयासी--इहणं देवाणुप्पिया ! उदगदातारो णत्थि तं णो खलु कप्पइ अम्हं अदिणं गिव्हित्तए', अदिण्णं साइज्जित्तए, तं मा णं अम्हे इयाणि आवइकालं पि अदिण्णं गिण्हामो, अदिण्णं साइज्जामो, मा णं अम्हं तवलोवे भविस्सइ । तं सेयं खलु अम्हं देवाणुप्पिया ! तिदंडए य कुंडियाओ य कंचणियाओ य करोडियाओ य भिसियाओ य छण्णालए य अंकुसए य केसरियाओ य पवित्तए य गणेत्तियाओ य छत्तए य वाहणाओ य धाउरत्ताओ य एगते एडित्ता गंगं महाणई ओगाहित्ता वालुयासंथारए संथरित्ता संलेहणा-झूसियाणं भत्तपाण-पडियाइक्खियाणं पाओवगयाणं कालं अणकंखमाणाणं विहरित्तए त्ति कटु अण्णमण्णस्स अंतिए एयमळं पडिसुणेति, पडिसुणेत्ता तिदंडए य'कुंडियाओ य कंचणियाओ य करोडियाओ य भिसियाओ य छण्णालए य अंकसए य केसरियाओ य पवित्तए य गणेत्तियाओ य छत्तए य वाहणाओ य धाउरत्ताओ य° एगते एडेंति, एडेत्ता गंगं महाणई
ओगाहेंति, ओगाहेत्ता वालुयासंथारए संथरंति, संथारित्ता वालुयासंथारयं दुरुहंति, दुरुहित्ता पुरत्थाभिमुहा संपलियंकनिसण्णा करयल'- परिग्गहियं सिरसावत्तं मत्थए अंजलि कटु एवं वयासी--णमोत्थु णं अरहताणं जाव' सिद्धिगइणामधेयं ठाणं संपत्ताणं । णमोत्थु णं समणस्स भगवओ महावीरस्स जाव संपाविउकामस्स । णमोत्थु णं अम्मडस्स परिव्वायगस्स अम्हं धम्मायरियस्स धम्मोवदेसगस्स । पुटिव णं अम्हेहिं अम्मडस्स परिव्वायगस्स अंतिए 'थलए पाणाइवाए" पच्चक्खाए जीवज्जीवाए, मुसावाए अदिपणादाणे पच्चक्खाए जावज्जीवाए, सव्वे मेहुणे पच्चक्खाए जावज्जीवाए, थूलए परिग्गहे पच्चक्खाए जावज्जीवाए । इयाणि अम्हे समणरस भगवओ महावीरस्स अंतिए सव्वं पाणाडवायं पच्चक्खामो जावज्जीवाए. सव्व मुसावायं पच्चक्खामो जावज्जीवाए, सव्वं अदिण्णादाणं पच्चक्खामो जावज्जीवाए, सव्वं मेहणं पच्चक्खामो जावज्जीवाए, सव्वं परिग्गहं पच्चक्खामो जावज्जीवाए, सव्वं कोहं माणं मायं लोहं पेज दोसं कलहं अब्भक्खाणं पेसुण्णं परपरिवायं अरइरई मायामोसं मिच्छादसणसल्लं 'अकरणिज्ज जोग" पच्चक्खामो जावज्जीवाए, सव्वं असणं पाणं खाइमं साइमं-चउन्विहं पि आहारं पच्चक्खामो जावज्जीवाए। जंपि य इमं सरीरं इठं कंतं पियं मणण्णं मणाणं पेज्ज वेसासियं संमयं वहुमयं अणुमयं भंडकरंडगसमाणं" मा णं सीयं, मा णं उण्हं, मा णं खुहा, मा णं पिवासा, मा णं वाला, मा णं चोरा, मा णं दंसा, मा णं मसगा, मा णं वाइय
१.२. सं०पा...-अगामियाए जाव अडवीए। ३. भुंजित्तए (वृपा)। ४. तववयलोवे (क)। ५. सं० पा०—तिदंडए य जाव एगते । ६. सं० पा..-करयल जाव कटु । ७,८. ओ० सु० २१ ।
६. थूलगपाणाइवाए (क)। १०. सं० पा०—एवं जाव सब्वं परिग्गहं । ११. ४ (क, ख, ग)। १२. थेज्जं (क, ख, पा) । १३. रयणकरंडग (ख)।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |