Page Text
________________
ओवाइय-पयरणं
१११. तेसि णं परिवायगाणं कप्पइ मागहए पत्थए जलस्स पडिगाहित्तए, से वि य वहमाणए णो चेव गं अवहमाणए, से वि य थिमिओदए णो चेव णं कद्दमोदए, से वि य बहुप्पसण्णे णो नेवणं अबहुप्पसण्णे, से वि य परिपूए णो चेव णं अपरिपूए, से वि य दिण्णे णो चेव णं अदिण्णे, से वि य पिबित्तए णो चेव णं हत्थ-पाय-चरु-चमस-पक्खालणछाए सिणाइत्तए वा ।।
११२. तेसिं णं परिव्वायगाणं कप्पइ मागहए अद्धाढए जलस्स पडिग्गाहित्तए, से वि य वहमाणए' •णो चेव णं अवहमाणए, से वि य थिमिओदए णो चेव णं कद्दमोदए, से वि य बहुप्पसपणे णो चेव णं अवहुप्पसण्णे, से वि य परिपूए णो चेव णं अपरिपूए, से वि य दिण्णे' जो चेव णं अदिण्णे, से वि य हत्थ-पाय-चरु-चमस-पक्खालणट्ठाए णो चेव णं पिबित्तए सिणाइत्तए वा॥
११३. तेसि णं परिव्वायगाणं कप्पइ मागहए आढए जलस्स पडिग्गाहित्तए, से वि य बहमाणए' 'णो चेवणं अवहमाणए, से वि य थिमिओदए णो चेव णं कद्दमोदए, से वि य बहुप्पसण्णे णो चेव णं अबहुप्पसण्णे, से वि य परिपूए णो चेव णं अपरिपुए, से वि य दिपणे णो चेव णं अदिण्णे, से वि य सिणाइत्तए णो चेव णं हत्थ-पाय-चरु-चमस-पक्खालणछाए पिबित्तए वा।।
११४. ते णं परिव्वायगा एयारूवेणं विहारेणं विहरमाणा बहुइं वासाइं परियायं पाउणंति, पाउणित्ता कालमासे कालं किच्चा उक्कोसेणं बंभलोए कप्पे देवत्ताए उववत्तारो भवंति । तहि तेसि गई, "तहिं तेसिं ठिई, तहि तेसिं उववाए पण्णत्ते । तेसि णं भंते ! देवाणं केवइयं कालं ठिई पण्णत्ता ? गोयमा ! दससागरोवमाइंठिई पण्णत्ता। अत्थि णं भंते ! तेसिं देवाणं इड्ढीइ वा जुईइ वा जसेइ वा बलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स आराहगा? णो इणठे समटठे ।। अम्मड-अंतेवासि-पदं
११५. तेणं कालेणं तेणं समएणं अम्मडस्स परिव्वायगस्स सत्त अंतेवासिसया गिम्हकालसमयंसि जेट्ठामूलमासंमि गंगाए महानईए उभओकूलेणं कंपिल्लपुराओ गयराओ पुरिमतालं जयरं संपठ्ठिया विहाराए।
११६. तए णं तेसिं परिव्वायगाणं तीसे अगामियाए छिण्णावायाए दीहमद्धाए अडवीए कंचि देसंतरमणुपत्ताणं से पुव्वग्गहिए उदए अणुपुव्वेणं परि जमाणे झीणे ।।
११७. तए णं ते परिव्वाया झीणोदगा समाणा तण्हाए पारब्भमाणा-पारम्भमाणा उदगदातारमपस्समाणा अण्णमण्णं सद्दावेंति, सद्दावेत्ता एवं क्यासी-एवं खलु देवाणुप्पिया ! अम्हं इसीसे अगामियाए 'छिण्णावायाए दीहमद्धाए अडवीए कंचि देसंतरमणुपत्ताणं से पुबग्गहिए उदए' 'अणुपुव्वेणं परिभुंजमाणे झीणे । तं सेयं खलु देवाणुप्पिया ! अम्हं १,२. सं० पा०-वहमाणए जाव णो।
४. सं० पा०–अगामियाए जाव अडवीए । ३.सं० पा०-दससागरोवमाई ठिई पण्णत्ता सेस ५. सं० पा०-उदए जाव भीणे ।
Jain Education International
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |