________________
७४१
बोयं अज्झयणं (उज्झियए)
समाणी परसुनियत्ता इव' चंपगलया धस त्ति धरणीयलंसि सव्वंगेहि
सन्निडिया ॥ ५४. तए णं सा सुभद्दा सत्थवाही मुहत्तंतरेणं आसत्था समाणी बहूहि मित्त'- नाइ
नियग-सयण-संबंधि-परियणेहिं सद्धि ° परिवुडा रोयमाणी कंदमाणी विलव
माणी विजयमित्तस्स सत्थवाहस्स लोइयाई मयकिच्चाई करेइ।। ५५. तए णं सा सुभद्दा सत्थवाही अण्णया कयाइ लवणसमुद्दोत्तरणं च सत्थविणासं
च पोयविणासं च पइमरणं च अणुचितेमाणी-अणुचितेमाणी कालधम्मुणा
संजुत्ता। ५६. तए णं ते नगरगुत्तिया सुभई सत्थवाहि कालगयं जाणित्ता उज्झियगं दारगं
सानो गिहाओ निच्छुभेति, निच्छुभेत्ता तं गिहं अण्णस्स दलयंति ॥ ५७. तए णं से उझियए दारए सानो गिहाम्रो निच्छूढे समाणे वाणियगामे नगरे
सिंघाडग' - 'तिग - चउक्क - चच्चर - च उम्मुह-महापह° पहेसु जूयखलएसु
वेसघरएसु" पाणागारेसु य सुहंसुहेणं परिवड्डइ ॥ ५८. तए णं से उज्झियए दारए अणोहट्टए' अणिवारिए सच्छंदमई सइरप्पयारे
मज्जप्पसंगी 'चोर-जूय"-वेस-दारप्पसंगी जाए यावि होत्था ॥ ५६. तए णं से उज्झियए अण्णया कयाइ कामज्झयाए गणियाए सद्धि संपलग्गे जाए
यावि होत्था, कामझयाए गणियाए सद्धि उरालाई माणुस्सगाई भोगभोगाई
भंजमाणे विहरइ ॥ ६०. तए णं तस्स मित्तस्स रपणो अपणया कयाइ सिरीए देवीए जोणिसूले पाउन्भए
यावि होत्था, नो संचाएइ मित्ते राया सिरीए देवीए सद्धि उरालाई माणस्सगाई
भोगभोगाइं भुंजमाणे विहरित्तए॥ ६१. तए णं से मित्त राया अण्णया कयाइ 'उज्झियए दारए कामज्झयाए गणियाए
गिहारो निच्छुभावेइ, निच्छुभावेत्ता कामज्झयं गणियं अभितरिय ठवेइ ठवेत्ता कामज्झयाए गणियाए सद्धि उरालाई माणुस्सगाइं भोगभोगाई
भुजमाणे विहरइ॥ ६२. तए णं से उज्झियए दारए कामज्झयाए गणियाए गिहारो निच्छुभेमाणे"
१. विव (क्व)। २. सं० पा०-मित्त जाव परिवुडा । ३. सं० पा०---सिंघाडग जाब पहेसु । ४. जूयखंधएसु (क)। ५. वेसियाघरएसु (घ)। ६. अणोहट्टिए (क, ख)। ७. बत्ती'चोर-जूय' इति पदे व्याख्याते नरूस्तः।
८. उज्झियदारए (क, घ); अत्र विभक्ति
व्यत्ययो दृश्यते, अन्यथा व्याकरणदृष्ट्या
'उज्झिययं दारयं' इति पाठो युक्तः स्यात् । ६. अभितरयं (ख, घ)। १०. निच्छुभमाणे समाणे (क); निच्छुभे समाणे
(घ)।
Jain Education International
For Private & Personal Use Only
www.jainelibrary.org
