________________
७४०
विवागसुयं
४४. तए णं से गोत्तासे कूडग्गाहे दोच्चाए पुढवीए अणंतरं उध्वट्टित्ता इहेव वाणिय
गामे नयरे विजयमित्तस्स सत्थवाहस्स सुभद्दाए भारियाए कुच्छिसि पुत्तत्ताए
उववण्णे ॥ ४५. तए णं सा सुभद्दा सत्थवाही अण्णया कयाइ नवण्हं मासाणं बहुपडिपुण्णाणं
दारगं पयाया ! ४६. तए णं सा सुभद्दा सत्थवाही तं दारगं जायमेत्तयं चेव एगते उक्कुरुडियाए'
उज्झावेइ, उज्झावेत्ता दोच्चं पि गिण्हावेइ, गिण्हावेत्ता अणुपुट्वेणं सारक्खमाणी
संगोवेमाणी संवड्ढेइ॥ ४७. तए णं तस्स दारगस्स अम्मापियरो ठिइवडियं' च चंदसूरदसणं' च जागरियं
च महया इड्डीसक्कारसमुदएणं करेंति ॥ ४८. तए णं तस्स दारगस्स अम्मापियरो एक्कारसमे दिवसे निव्वत्ते संपत्ते बारसाहे
अयमेयारूव गोण्णं गुणनिप्फण्णं नामधेज्जं करेंति—जम्हा णं अम्हं इमे दारए जायमेत्तए चेव एगते उक्कुरुडियाए उज्झिए, तम्हा णं होउ अम्हं दारए
उज्झियए नामेणं ॥ ४६. तए णं से उज्झियए दारए पंचधाईपरिग्गहिए, [तं जहा-खीरधाईए मज्जण
धाईए मंडणधाईए कीलावणधाईए अंकधाईए] जहा दढपइण्णे जाव निव्वाय
निव्वाघाय-गिरिकंदरमल्लीणे व्व चंपगपायवे सहसहेण विहारह। ५०. तए णं से विजयमित्ते सत्थवाहे अण्णया कयाइ गणिमं च धरिमं च मेज्जं च
पारिच्छेज्ज च-चउव्विहं भंडं गहाय लवणसमुदं पोयवहणेण उवागए। ५१. तए णं से विजय मित्ते तत्थ लवणसमुद्दे पोयविवत्तोए निब्बुड्डभंडसारे अत्ताणे
असरणे कालधम्मुणा संजुत्ते ।। ५२. तए णं तं विजयमित्तं सत्थवाहं जे जहा बहवे ईसर-तलवर-माउंबिय-कोडुबिय
इब्भ-सेट्ठि-सत्थवाहा लवणसमुद्दपोयविवत्तियं निब्बुडुभंडसारं कालधम्मुणा संजुत्तं सुणेति, ते तहा हत्थनिक्लेवं च बाहिरभंडसारं च गहाय एगतं
अवक्कमंति ।। ५३. तए णं सा सुभद्दा सत्थवाही विजयमित्तं सत्यवाहं लवणसमुद्दपोयविवत्तियं
निब्बुड्डभंडसारं कालधम्मुणा संजुत्तं सुणेइ, सुणेत्ता महया पइसोएणं अप्फुण्णा
१. उक्करुडियाए (ग)। २. संवड्ढेमाणीति (क)। ३. ठियपडिय (क); ठियपडिकम्मं (घ) । ४. चंदसूरपासणियं (वृ)। ५. इमेयारूवं (घ):
६. असो कोष्ठकवर्ती पाठ: व्याख्यांशः प्रतीयते । ७. ओ० सू० १४४, वाचनान्तर पृ० १५१,
१५२। ८. भंडगं (घ)। ६. लवणसमुद्दे पोय ° (क, ख, ग, घ)।
Jain Education International
For Private & Personal Use Only
www.jainelibrary.org
