________________
७४२
विवागसुयं
कामज्झयाए गणियाए मुच्छिए गिद्धे गढिए अज्झोववण्णे अण्णत्थ कत्थइ सुई च रइं च धिइं च अविदमाणे तच्चित्ते तम्मणे तल्लेस्से तदझवसाणे तदह्रोव उत्ते तयप्पियकरणे तब्भावणाभाविए कामज्झयाए गणियाए वहूणि अंतराणि य
छिद्दाणि य विवराणि य पडिजागरमाणे-पडिजागरमाणे विहरइ ।। ६३. तए णं से उज्झियए दारए अण्णया कयाइ 'कामज्झयाए गणियाए'' अंतर' लभेइ,
लभेत्ता कामज्झयाए गणियाए गिहं रहसियं अणुप्पविसइ, अणुप्पविसित्ता काम
ज्झयाए गणियाए सद्धि उरालाई माणुस्सगाई भोगभोगाइं भुजमाणे विहरइ ।। ६४. इमं च णं मित्ते राया पहाए कयबलिकम्मे कयकोउय-मंगल-पायच्छित्ते
सवाल कारविभूसिए मणुस्सवग्गुरापरिखित्ते जेणेव कामझयाए गिहे तेणेव उवागच्छइ, उवागच्छित्ता तत्थ ण 'उज्झिय गं दारगं" कामज्झयाए गणियाए सद्धि उरालाई माणुस्सगाई भोगभोगाइं भुंजमाणं' पासइ, पासित्ता आसुरुत्ते स्ट्रे कूविए चंडिक्किए मिसिमिसेमाणे तिवलि भिउडि निडाले साहट उझियगं दारगं पुरिसेहिं गिण्हावेइ, गिण्हावेत्ता अट्ठि-मुट्ठि-जाणु-कोप्परपहारसंभग्ग-महियगत्तं करेइ, करेत्ता अवप्रोडग-बंधणं करेइ, करेत्ता एएणं विहाणेणं
वज्झं प्राणवेइ ।। ६५. एवं खलु गोयमा ! उज्झियए दारए पुरा' •पोराणाणं दुच्चिण्णाणं दुप्पडिक्क
ताणं असुभाणं पावाणं कडाणं कम्माणं पावगं फलवित्तिविसेसं पच्चणुभवमाणे
विहरइ ॥ उज्झिययस्स प्रागामिभव-वण्णग-पदं ६६. उज्झियए णं भंते ! दारए इनो कालमासे कालं किच्चा कहिं गच्छिहिइ ?
कहि उववज्जिहिइ? गोयमा ! उज्झियए दारए पणुवीसं' वासाई परमाउं पाल इत्ता अज्जेव तिभागावसेसे दिवसे सूल भिण्णे कए समाणे कालमासे कालं किच्चा इमीसे
रयणप्पभाए पुढवीए ने रइएसु नेरइयत्ताए उववज्जिहिइ ।! ६७. से णं तो अणतरं उव्वट्टित्ता इहेव जंबुद्दीवे दीवे भारहे वासे वेयङगिरिपायमूले
वाणरकुलं सि वाणरत्ताए उववज्जिहिइ ।। ६८. से णं तत्थ उम्मुक्कबालभावे तिरियभोगेसु मुच्छिए गिद्धे गढिए अज्झोववण्णे
१. कामझियागणियं (घ)। २. अंतराणि (ख) । ३. उज्झियए दारए (क, ख, ग, घ)। ४. विहरमाणं (क, ख, ग)।
५. भग्ग (क)। ६. सं० पा०--पुरा जाव विहरइ । ७. पणवीस (ग)।
Jain Education International
For Private & Personal Use Only
www.jainelibrary.org
