Page Text
________________
भायाधम्मकहाऔ
उद्देसिए वा कीयगडे वा ठविए वा रइए वा दुविभक्खभत्ते वा कंतारभत्ते वा वद्दलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा वीयभोयणे वा हरियभोयणे वा भोत्तए वा पायए वा। तुमं च णं जाया! सुहसमुचिए नो चेव णं दुहसमुचिए', नालं सीयं नालं उण्हं नालं खुहं नालं पिवासं नालं वाइय-पित्तिय-सिभिय-सन्निवाइए विविहे रोगायंके, उच्चावए गामकंटए, बावीसं परीसहोवसरये उदिण्णे सम्म अहियासित्तए। भुजाहि ताव जाया ! माणुस्सए कामभोगे ! तनो पच्छा भुत्तभोगी समणस्स •भगवनो महावीरस्स अंतिए मंडे भवित्ता अगारापो अणगारियं० पव्वइ
स्ससि ॥ ११३. तए णं से मेहे कुमारे अम्मापिओह एवं वुत्ते समाणे अम्मापियरं एवं वयासी
तहेव णं तं अम्मयानो ! जं णं तुभे ममं एवं वयह—“एस णं जाया ! निग्गथे पावयणे सच्चे अणुत्तरे केवलिए पडिपुण्णे नेयाउए संसुद्धे सल्लगत्तणे सिद्धिमग्गे मृत्तिमग्गे निज्जाणमग्गे निव्वाणमग्गे सव्वदुक्खप्पहीणमग्गे, अहीव एगतदिट्टिए, खुरो इव एगंतधाराए, लोहमया इव जवा चावेयव्वा, वालुयाकवले इव निरस्साए, गंगा इव महानई पडिसोयगमणाए, महासमुद्दो इव भुयाहिं दत्तरे, तिक्खं कमियव्वं, गरुनं लंबेयव्वं, असिधारव्वयं चरियव्वं । नो खलु कप्पद जाया ! समगाणं निग्गंथाणं आहाकम्मिए वा उद्देसिए वा कीयगडे वा ठविए वा रइए वा भिक्खभत्ते वा कतारभत्ते वा वद्दलियाभत्ते वा गिलाणभत्ते या मूलभोयणे वा कंदभोयणे वा फलभोयणे वा वीयभोयणे वा हरियभोयणे वा भोत्तए वा पायए वा ।। तूमं च णं जाया ! सुहसमुचिए नो चेव ण दहसमुचिए, नालं सीयं नालं उण्हं नाल खहं नालं पिवास नालं वाइय-पित्तिय-सिभिय-सन्निवाइए विविहे रोगायंके, उच्चावए गामकंटए वावीसं परीसहोवसग्गे उदिण्णे सम्म अहियासित्तए । भजाहि ताव जाया ! माणुस्सए कामभोगे। तो पच्छा भुत्तभोगी समणस्स भगवत्रो महावीरस्स अंतिए मुंडे भवित्ता अगाराप्रो अणगारियं ° पव्वइस्ससि।" एवं खलु अम्मयानो ! निग्गंथे पावयणे कीवाणं कायराणं कापुरिसाणं इहलोगपडिबद्धाणं परलोगनिप्पिवासाणं दुरणुचरे पाययजणस्स, नो चेव णं धीरस्स।
निच्छियववसियस्स एत्थ कि दुक्करं करणयाए ? । १. ° समुच्चिए (क, ग)।
६. स० पा.-अणुत्तरे पुणरवि तं चेव जाव २. ° समुच्चिए (घ)।
तओ पच्छा भुत्तभोगी समणस्स भगवओ ३. सन्निवाइय (ख, ग, घ)।
जाव पव्वइस्ससि। ४. सं० पा०-समणस्स जाव पवइस्ससि । ७. वीरस्स (ख, ग)। ५. अम्मताओ (ख, ग)।
www.jainelibrary.org
Jain Education International
For Private & Personal Use Only
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |