________________
पढम अझयण (उक्खित्तणाए)
मेहस्स जिन्नासा-पदं ६५. तए णं रायगिहे नयरे सिंघाडग-"तिग-चउक्क-चच्चर-चउम्मुह-महापहपहेसु -
महया जणसद्दे इ वा जाव' बहवे उग्गा भोगा [ 0]' रायगिहस्स नगरस्स मझमज्झेणं एगदिसि एगाभिमुहा निग्गच्छंति । इमं च णं मेहे कुमारे उप्पि पासायवरगए फुट्टमाणेहिं मुइंगमत्थाएहि जाव' माणुस्सए कामभोगे भुजमाणे
रायमग्गं च 'अोलोएमाणे-अोलोएमाणे' एवं च णं विहरइ ॥ ६६. तए णं से मेहे कुमारे ते बहवे उग्गे भोगे जाव' एगदिसाभिमुहे निग्गच्छमाणे
पासइ, पासित्ता कंचुइज्जपुरिसं' सद्दावेइ, सद्दावेत्ता एवं वयासी-किण्णं भो देवाणुप्पिया ! अज्ज रायगिहे नगरे इंदमहे इ वा खंदमहे इ वा एवंरुह-सिव-बेसमण-नाग-जवख-भूय-नई- तलाय-रुक्ख - चेइय - पव्वयमहे इ वा उज्जाण-गिरिजत्ता इ वा ? जनो णं यहवे उग्गा भोगा जाव एगदिसि
ए गाभिमुहा निग्गच्छंति ।। कंचुइज्जपुरिसस्त निवेदण-पदं ६७. तए णं से कंचुइज्जपुरिसे समणस्स भगवनो महावीरस्स गहियागमणपवित्तीए
मेहं कुमारं एवं वयासी-नो खलु देवाणुप्पिया! अज्ज रायगिहे नयरे इंदमहे इ वा जाव गिरिजत्ता इ वा जणं एए उग्गा भोगा जाव" एगदिसि एगाभिमुहा निग्गच्छति । एवं खलु देवाणुप्पिया ! समणे भगवं महावीरे आइगरे तित्थगरे" इहमागए इह संपत्ते इह समोसढे इह चेव रायगिहे नगरे गुणसिलए चेइए अहापडिरूवं" •प्रोग्गहं ओगिण्हित्ता संजमेणं तवसा अप्पाणं भावेमाणे °
विहरइ ।। मेहस्स भगवो समोवे गमण-पदं १८. तए णं से मेहे कुमारे कंचुइज्जपुरिसस्स अंतिए एयमढे सोच्चा निसम्म
हतुट्टे कोडुवियपुरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! चाउग्धंट पासरहं जुत्तामेव उवट्ठवेह । तहत्ति उवणेति ।
१. सं० पा०—सिंघाडग जाव महया । २. ओ० सू० ५२ । ३. जाव (क, ख, ग, घ)। ४. ना० १११।१३। ५. उवलोएमाणे २ (ग)। ६. ओ० सू० ५२।
७. कंचुइ-पुरिसं (राय० सू० ६८८)। ८. किं णं (क, ख)। ६. ना० १.११६६ । १०. ओ० सू०५२। ११. तित्थंकरे (ख)। १२. सं० पा०-अहापडिरूवं जाव विहरइ ।
Jain Education International
For Private & Personal Use Only
www.jainelibrary.org
