________________
नायाधम्मकहाम्रो
२६०. तए णं से कण्हे वासुदेवे जेणेव सए खंधावारे तेणेव उवागच्छइ, उवागच्छित्ता
सएणं खंधावारेणं सद्धि अभिसमण्णागए यावि होत्था ।। २६१. तए णं से कण्हे वासुदेवे जेणेव बारवई नयरी तेणेव उवागच्छइ, उवागच्छित्ता
[सयं भवणं ? ] अणुप्पविसइ ।। २६२. तए णं ते पंच पंडवा जेणेव हथिणाउरे नयरे तेणेव उवागच्छंति, उवागच्छित्ता
जेणेव पंडू राया तेणेव उवागच्छंति, उवागच्छित्ता करयल' 'परिगहियं दसणहं सिरसावत्तं मत्थए अंजलि कटु एवं वयासी--एवं खलु तारो ! अम्हे
कण्हेणं निव्विसया आणत्ता ।। २६३. तए णं पंडू राया ते पंच पंडवे एवं वयासी---कहण्णं पुत्ता ! तुम्भे कण्हेणं वासु
देवेणं निविसया आणत्ता ? २६४. तए णं ते पंच पंडवा पंडु रायं एवं वयासी –एवं खलु ताओ ! अम्हे अवर
कंकामो पडिनियत्ता लवणसमुदं दोण्णि जोयणसयसहस्साई वीईवइत्था। तए णं से कण्हे वासुदेवे अम्हे एवं वयइ - गच्छह णं तुम्भे देवाणुप्पिया ! गंगं महानई
उत्तरह जाव ताव अहं सुट्टियं लवणाहिवइं पासामि, एवं तहेव जाव' चिट्ठामो !। २६५. तए ण से कण्हे वासुदेव सुट्ठियं लवणाहिवई दळूण जेणेव गंगा महानई तेणेव
उवागच्छइ, तं चेवं सव्वं नवरं कण्हस्स चिंता न बुज्झइ जाव' निविसए
प्राणवेइ ।। २६६. तए णं से पंडू राया ते पंच पंडवे एवं वयासी-दुठ्ठ णं पुत्ता! कयं कण्हस्स
वासुदेवस्स विप्पियं करेमाणेहि ॥ २६७. तए णं से पंडू राया कौति देवि सद्दावेइ, सद्दावेत्ता एवं वयासी-गच्छह णं
तुमं देवाणुप्पिए ! बारवई नयरिं कण्हस्स वासुदेवस्स एवं' निवेएहि--एवं खलु देवाणुप्पिया! तुमे पंच पंडवा निविसया आणत्ता। तुमं च णं देवाणप्पिया ! दाहिणड्डभरहस्स सामी ! तं संदिसंतु णं देवाणु प्पिया 1 ते पंच पंडवा
कयरं देसं वा दिसंवा 'विदिसं वा“ गच्छतु ? २६८. तए णं सा कोंती पंडुणा एवं वुत्ता समाणी हत्थिखधं दुरुहइ, जहा हेट्ठा जाव'
संदिसंतु णं पिउच्छा ! किमागमणपोयण ? २६६. तए णं सा कोंती देवी कण्हं वासुदेवं एवं वयासी-एवं खलु तुमे पुत्ता !
पंचपंडवा निव्विसया आणत्ता। तुमं च णं दाहिणड्डभरहस्स" 'सामी । तं
१. द्रष्टव्यम् - अस्यैवाध्ययनस्य १६६ सूत्रम्। २. सं० पा०-करयल जाव एवं । ३. ना० १।१६।२८२।। ४. बुच्चइ (घ) ५. ना०१।१६।२८३, २८४, २८६-२६० ।
६. ण तुमं (ख) । ७. X (क, ग, घ)। ८. X (क, ख, ग)। ६. ना० १६१६६२१६-२१६ । १०. सं० पा०-दाहिणढभरहरस जाब दिसं।
Jain Education International
For Private & Personal Use Only
www.jainelibrary.org
