________________
सोलसमं अज्झयरणं (अवरकंका)
संदिसंतु णं देवाणु प्पिया ! ते पंच पंडवा कयरं देसं वा° दिसं वा विदिसिं वा
गच्छंतु ? ३००. तए णं से कण्हे वासुदेवे कोंतिं देवि एवं वयासी-अपूइवयणा' णं पिउच्छा !
उत्तमपुरिसा--वासुदेवा बलदेवा चक्कवट्टी। तं गच्छंतु णं पंच पंडवा दाहिणिल्लं वेयालि तत्थ पंडुमहुरं निवेसंतु, ममं अदिट्ठसेवगा भवंतु त्ति कटु
कोंति देवि सक्कारेइ सम्माणे इ', 'सक्कारेत्ता सम्माणेत्ता पडिविसज्जेइ ॥ ३०१. तए णं सा कोंती देवी जेणेव हत्थिणाउरे नयरे तेणेव उवागच्छइ, उवाग
च्छित्ता पंडुस्स एयभटुं निवेएइ । ३०२. तए णं पंडू राया पंच पंडवे सद्दावेइ, सद्दावेत्ता एवं वयासी- गच्छह णं तुम्भे
पुत्ता ! दाहिणिल्लं बेयालि । तत्थ णं तुब्भे पंडुमहुरं निवेसेह ।। पंडुमहुरा-निवेसण-पदं ३०३. तए णं ते पंच पंडवा पंडुस्स रण्णो' 'एयमटुं° तहत्ति पडिसुणेति, पडिसुणेत्ता
सबलवाहणा हय-गय रह-पवरजोहकलियाए चाउरंगिणीए सेणाए सद्धि संपरिडा मह्याभड-चडगर-रह-पहकर-विंदपरिक्खित्ता' हत्थिणाउराम्रो पडिनिक्खमंति, पडिनिक्खमित्ता जेणेव दविखणिल्ले वेयाली तेणेव उवागच्छंति, उवागच्छित्ता पडुमहुरं नगरि निवेसंति । तत्थवि णं ते विपुल भोग-समिति
समण्णागया यावि होत्था ।। पंडुसेण-जम्म-पदं ३०४. तए ण सा दोवई देवी अण्णया कयाइ आवष्णसत्ता जाया यावि' होत्था ।। ३०५. तए णं सा दोवई देवी नवण्हं मासाणं बहुपडिपुण्णाणं जाव' सुरूवं दारगं
पयाया--सूमाल कोमलयं गयतालुयसमाणं ।। ३०६. तए णं तस्स णं दारगस्स निव्वत्तबारसाहस्स अम्मापियरो इमं एयारूवं गोण्णं
गुणनिप्फण्णं नामधेज्ज करेंति जम्हा णं अम्ह एस दारए पंचण्ह पंडवाणं पुत्ते दोवईए देवीए अत्तए, तं होउ णं इमस्स दारगस्स नामधेज्ज 'पंडुसेणे-पंडुसेणे'" ।।
१. अपूईवयणा (ख, ग)। २. सं० पा --सम्माणेद जाव पडिविसज्जेइ। ३. सं० पा०—देवो जाव पंदुस्स । ४. सं० पा०-रणो जाव तहत्ति ! ५. सं० पा०-हयगय जाब हस्थिणाउराओ। ६. नगर (ख)। ७. तत्थ (ग, घ)।
८. वि (ख, घ)। ६. प्रो० सू० १४३ । १०. सं० पा०—सूमाल निव्वत्तबारसाहस्स इम
एयारूवं । सर्वास्वपि प्रतिषु एतावानेव पाठो विद्यते, किन्तु १।१६।३३,३४ सूत्रानुसारेण
अस्य पूर्तिः कृता। ११. पंडुसेणे (ग)।
Jain Education International
For Private & Personal Use Only
www.jainelibrary.org
