Page Text
________________
३००
नायाधम्मक हाओ
जुहिट्ठिल' भीमसेणं अज्जुणं नउलं सहदेवं दुज्जोहणं भाइसय - समग्गं, गंगेयं विदुरं दोणं जयद्दहं सउणि कीवं प्रसत्थामं करयल परिग्गहियं दसनहं सिरसावत्तं मत्थए अंजलि कट्टु जएणं विजएणं वद्धावेहि, वद्धावेत्ता एवं वयाहि एवं खलु देवाणुप्पिया ! कंपिल्लपुरे नयरे दुवयस्स रण्णो धूयाए, चुलणीए प्रत्ताए घट्टज्जुणकुमारस्स भइणीए, दोवईए रायवरकण्णाए सयंवरे भविस्सइ । तं णं तुब्भे दुवयं रायं श्रणुगिण्हेमाणा अकालपरिहीणं चेव कंपिल्लपुरे नयरे समोसरह ॥
o
१४३. तए णं से दूए जेणेव हत्थिणाउरे नयरे जेणेव पंडुराया तेणेव उवागच्छइ, उवागच्छित्ता पंडुरायं सपुत्तयं - जुहिट्ठिलं भीमसेणं अज्जुणं नउलं सहदेव, दुज्जोहणं भाइसय- समग्गं, गंगेयं विदुरं दोणं जयद्दहं सउणि कीवं आसत्थाम एवं ars -- एवं खलु देवाणुपिया ! कंपिल्लपुरे नयरे दुवयस्स रण्णो धूयाए, चुलणीए प्रत्तयाए, धटुज्जुणकुमारस्स भइणीए दोवईए रायवरकण्णाए सयंवरे प्रत्थि । तं णं तुभे दुवयं रायं अणुगिण्हेमाणा अकालपरिहीणं चेव कंपिल्लपुरे नयरे समोसरह ॥ १४४. तए णं से पंडुराया जहा वासुदेवे नवरं भेरी नत्थि जाव' जेणेव कंपिल्लपुरे नयरे तेणेव पहारेत्थ गमणाए ॥
0
पेण-पदं
१४५. एएणेव कमेणं-
तच्चं दूयं एवं वयासी - गच्छह णं तुमं देवाणुप्पिया !
१. जुहिट्ठिल्लं (घ ) ।
२. भायसय ० (ख, घ ) ।
३. सं० पा० - करयल जाव कट्टु तहेव जाव समोसरह ।
४. सं० पा० - तए गं से हुए एवं वयासी जहा वासुदेवे नवरं भेरी नत्थि जाव जेणेव; पू० - ना० १।१६।१३३,१३४ ॥
५. पू० - ना० १११६ १३४ ।
६. ना० १।१६। १३५-१४१ । ७. सं० पा० - तच्चं दूयं चंपं नयरिं । तत्थ णं तुमं करणं अंगराय सल्लं नंदिरायं करयल तहेव जाव समासरह । चउत्थं दूयं सोत्तिमई नयरिं । तत्थ णं तुमं सिसुपाल दमघोससुयं पंचभाइसयसंपरिवुडं करयल तहेब जाव
Jain Education International
चंपं नयरिं । तत्थ णं
समोसरह । पंचम दूयं हत्थिसीसं नयर । तत्थ णं तुमं दमदंतं रायं करयल जाव समोसरह । छ दूयं महुरं नयरिं । तत्थ णं तुमं धरं रायं करयल जाव समोसरह । सत्तमं दूयं रायगिहं नयरं । तस्य ण तुम सहदेवं जरासंधसुयं करयल जाव समोसरह । अट्टमं दूयं कोडिण्णं नयरं । तत्थ णं तुम रुप्पि भेगसुयं करयल तहेव जाव समोसरह । नवमं दुयं विराटं नयरिं । तत्थ णं तुमं कीयगं भाउसयसमग्गं करयल जाव समोसरह । दसमं दूयं अवसेसेसु गामागरनगरे गाई रायसहस्साई जाव समोसरह । तए गं से दूए तहेव निग्गच्छइ जेणेव गामागर तहेब जाव समोसरह ।
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |