________________
२८८
नायाधम्मकहाओ
७६. तए णं से सागरदत्ते सत्थवाहे सूमालियं दारियं व्हायं जाव' सब्बालंकारविभू
सियं करेत्ता तं दमगपुरिसं एवं वयासी-एस णं देवाणुप्पिया ! मम धूया इट्ठा कंता पिया मणुण्णा मणामा । एयं णं अहं तव भारियत्ताए दलयामि', भद्दियाए
भयो भवेज्जासि । दमगस्स पलायण-पदं ८०. तए णं से दमगपुरिसे सागरदत्तस्स एयमटुं पडिसुणेइ, पडिसुणेत्ता सूमालियाए
दारियाए सद्धि वासघरं अणुपविसइ, सूमालियाए दारियाए सद्धि तलिमंसि
निवज्जइ ।। ८१. तए णं से दमगपुरिसे सूमालियाए इमेयारूवं अंगफासं पडिसंवेदेइ', 'से जहा
नामए- असिपत्ते इ वा जाव एत्तो अमणामतरागं चेव अंगफास पच्चणुब्भव
माणे विहरई॥ ८२. तए णं से दमगपुरिसे सूमालियाए दारियाए अंगफासं असहमाणे अवसवसे
मुहुत्तमेत्तं संचिट्ठइ ॥ ८३. तए णं से दमगपुरिसे सूमालियं दारियं सुहपसुत्तं जाणित्ता सूमालियाए दारि
याए पासाप्रो उट्टेइ, उठेत्ता जेणेव सए सणिज्जे तेणेव उवागच्छइ, उवा
गच्छित्ता सयणिज्जसि निवज्जइ ॥ ८४. तए णं सा सूमालिया दारिया तो मुहत्ततरस्स पडिबुद्धा समाणी पइव्वया
पइमणुरत्ता पई पासे अपस्समाणी तलिमानो उट्टेइ, उद्वेत्ता जेणेव से सयणिज्जे
तेणेव उवागच्छइ, उवागच्छित्ता दमगपुरिसस्स पासे णुवज्जइ ।। ८५. तए णं से दमगपुरिसे सूमालियाए दारियाए दोच्चंपि इमं एयारूवं अंगफासं
पडिसंवेदेइ जाव' 'अकामए अवसवसे मुहत्तमेत्तं संचिट्ठइ ।। ८६. तए णं से दमगपुरिसे सूमालियं दारियं सुहपसुत्तं जाणित्ता सणिज्जाओ
'अब्भटेइ, अब्भुद्वेत्ता' वासघरानो निग्गच्छइ, निग्गच्छित्ता खंडमल्लगं खंडघडगं च गहाय मारामुक्के विव काए जामेव दिसिं पाउन्भूए तामेव दिसि
पडिगए। सूमालियाए पुणोचिंता-पदं ८७. तए णं सा सूमालिया 'दारिया तो मुहत्तंतरस्स पडिबुद्धा पतिव्वया पइमणु
१. ना० ११११४७ । २. दलामि (क)। ३. भवेज्जाहि (ग)। ४. सं० पा०-सेसं जहा सागरस्स जाव सय-
णिज्जाओ।
५. ना० १।१६।५२। ६. ना० १।१६।५२,५३ । ७. पन्भुटेइ २ (क, ग)। ८. दिसं (क, ख)। ६. सं० पा०-सूमालिया जाव गए।
Jain Education International
For Private & Personal Use Only
www.jainelibrary.org
