________________
८१
बीय अज्झयणं (संघाडे)
विपुलं' असणं पाणं खाइमं साइमं उवक्खडावेंति, तहेव मित्त-नाइ-नियग-सयणसंबंधि-परियणं भोयावेत्ता अयमेयारूवं गोण्णं गुणनिप्फण्णं नामधेज करेंति -- जम्हा णं अम्हं इमे दारए बहूणं नागपडिमाण य जाव' वेसमणपडिमाण य उवाइयलद्धे', तं होउ णं अम्हं इमे दारए देव दिन्ने नामेणं ।
तए णं तस्स दारगस्स अम्मापियरो नामधेज्जं करेंति देवदिन्ने त्ति ।। २४. तए णं तस्स दारगस्स अम्मापियरो जायं च दायं च भायं च अवखयनिहिं च
अणुवड्ढेति ।। देवदिन्नस्स कोडा-पदं २५. तए णं से पंथए दासचेडए देवदिन्नस्स दारगस्स वालग्गाही जाए, देवदिन्नं
दारगं कडीए गेण्हइ, गेण्हिता वहूहिं डिभएहि य डिभियाहि य दारएहि य
दारियाहि य कुमारएहि य कुमारियाहि य सद्धि संपरिवुडे अभिरमइ ।। २६. तए णं सा भद्दा सत्यवाही अण्णया कयाइ देवदिन्नं दारयं व्हायं कयवलिकम्म
कय-कोउय-मंगल-पायच्छित्तं सव्वालंकारविभसियं करेइ, करेत्ता पंथयस्स
दासचेडगस्स हत्थयंसि दलयइ ।। २७. तए णं से पंथए दासचेडए भद्दाए सत्थवाहीए हत्थाओ देवदिन्नं दारगं कडीए
गेण्हइ, गेण्हित्ता सयानो गिहारो पडिनिक्खमइ, वहूहि डिभएहि य' 'डिभियाहि य दारएहि य दारियाहि य कुमारएहि य° कुमारियाहि य सद्धि संपरिवडे जेणेव रायमगे तेणेव उवागच्छइ, उवागच्छित्ता देवदिन्नं दारगं एगते ठावेइ, ठावेत्ता बहूहिं डिभएहि य जाव कुमारियाहि य सद्धि संपरिडे
पमत्ते' यावि विहरइ।। देवदिन्नस्स अपहार-पदं २८. इमं च णं विजए तक्करे रायगिहस्स नगरस्स बहूणि [अइगमणाणि य निग्गम
णाणि य ?] वाराणि य अववाराणि य तहेव जाव' सुन्नघराणि य आभोएमाणे मग्गेमाणे गवेसमाणे जेणेव देवदिन्ने दारए तेगेव उवागच्छइ, उवागच्छित्ता देवदिन्नं दारगं सव्वालंकारविभूसियं पासइ, पासित्ता देवदिन्नरम दारगस्स आभरणालंकारेसु मुच्छिए गढिए गिद्धे अज्झोववण्णे पंथयं दासचेडयं पमत्तं पासइ, पासित्ता दिसालोयं करेइ, करेत्ता देवदिन्नं दारगं गेण्हइ, गेण्हित्ता
१. तिपुलं (ख)। २. पू०-ना० १११८१ । ३. ना० ११२।१२। ४. ओवाइय° (क)।
५. सं० पा०-डिभएहि य जाव कुमारियाहि । ६. पमग्गे (ख) । ७. ना० १५२।११।
Jain Education International
For Private & Personal Use Only
www.jainelibrary.org
