Page Text
________________
नायाधम्मकहाओ
२६.
कक्खंसि अल्लियावेइ', अल्लियावेत्ता उत्तरिज्जेणं पिहेइ', पिहेत्ता सिग्धं तुरियं चवलं वेइयं रायगिहस्स नगरस्स अवदारेण निग्गच्छइ, निग्गच्छित्ता जेणेव जिण्णुज्जाणे जेणेव भग्गकूवए तेणेव उवागच्छइ, उवागच्छित्ता देवदिन्नं दारयं जीवियानो ववरोवेड. ववरोवेत्ता ग्राभरणालंकारं गेण्टइ. गेण्डिता देवदिन्नस्स दारगस्स सरीरं निप्पाणं निच्चेटुं जीवविप्पजढं भग्गकूबए पवित्रवइ', पक्खिवित्ता जेणेव मालुयाकच्छए तेणेव उवागच्छइ, उवागच्छित्ता मालुयाकच्छयं अणुप्पविसइ, अणुप्पविसित्ता निच्चले निष्फंदे तुसिणीए दिवसं खवेमाणे
चिट्ठइ ।। देवदिन्नस्स गवेसगा-पदं
तए णं से पंथए दासचेडए' तो मुहुत्तंतरस्स जेणेव देव दिन्ने दारए ठविए। तेणेव उवागच्छइ, उवागच्छित्ता देवदिन्नं दारगं तंसि ठाणंसि अपासमाणे रोयमाणे कंदमाणे [विलवमाणे ? ] ' देवदिन्नस्स दारगस्स सब्बओ समंता मग्गण-गवेसणं करेइ । देवदिन्तस्स दारगस्स कत्थइ सुई वा खुई वा पउत्ति वा अलभमाणे जेणेव सए गिहे जेणेव धणे सत्थवाहे तेणेव उवागच्छइ, उवागच्छित्ता धणं सत्थवाहं एवं वयासी—एवं खलु सामो ! भद्दा सत्थवाहो देवदिन्नं दारयं पहायं जाव" सव्वालंकारविभूसियं मम हत्थंसि"दलयइ । तए ‘णं अहं देवदिन्नं दारयं कडीए गिण्हामि", गिण्हित्ता सयानो गिहारो पडिनिक्खमामि, बहि डिभएहि य डिभियाहि य दारएहि य दारियाहि य कुमारएहि य कुमारियाहि यसद्धि संपरिवडे जेणेव रायमग्गे तेणेव उवागच्छामि, उवागच्छित्ता देवदिन्नं दारगं एगंते ठावेमि, ठावेत्ता बहूहिं डिभएहि य जाव कुमारियाहि य सद्धि संपरिवुडे पमत्ते यावि विहरामि । तए णं अहं तनो मुहत्तंतरस्स जेणेव देवदिन्ने दारए ठविए तेणेव उवागच्छामि, उवागच्छित्ता देवदिन्न दारगं तंसि ठाणंसि अपासमाणे रोयमाणे कंदमाणे [विलवमाणे ?] देवदिन्नस्स दारगस्स सव्वनो समंता' मग्गण-गवेसणं करेमि । तं न नज्जइ णं सामी ! देवदिन्ने दारए केणइ नीते" वा अवहिते वा
अक्खित्ते वा-पायवडिए धणस्स सत्थवाहस्स एयमटुं निवेदेइ ।। १. अलियावेइ (क, ख)।
६. १२२१३४ सूत्र 'रोयमाणे जाव विलवमाणे' २. पेहेइ (क)।
इति पाठोस्ति । अत्रापि तथैव युज्यते। ३. चेइयं (क, ग)।
१०. ना० ११२:२६ ॥ ४. अववारेण (क)।
११. हत्थे (घ)। ५. निक्खि वइ (ग)!
१२. णं हं (ख, ग)। ६. क्षेपयन् (वृ)।
१३. सं० पा०—गिण्हामि जाव माणगवेसणं । ७. चेडे (क, ख, घ)
१४. नितिए (क, ग)। ८. ठाविए (ख)।
Jain Education International
For Private & Personal Use Only
www.jainelibrary.org
| SR No. | 003562 |
| Book Title | Agam 06 Ang 06 Gnatadharma Sutra Nayadhammakahao Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 491 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 9 MB |