________________
६२२
ठाण
पुरिस-भेद-पदं २६०. चत्तारि पुरिसजाया पण्णत्ता, तं जहा-तहे गाममेगे, गोतहे णाममेगे, सोवत्थी
णाममेगे, पधाणे णाममेगे। आय-पर-पदं २६१. चत्तारि पुरिसजाया पण्णत्ता, तं जहा----आयंतकरे णाममेगे णो परंतकरे,
परंतकरे णाममेगे णो आयंतकरे, एगे आयंतकरेवि परंतकरेवि, एगे णो आयंतकरे
णो परंतकरे ॥ २६२. चत्तारि पुरिसजाया पण्णत्ता, तं जहा--आयंतमे णाममेगे णो परंतमे, परंतमे
णाम मेगे णो आयंतमे, एगे आयंतमेवि परंतमेवि, एगे जो आयंतमे णो परंतमे ।। २६३. चत्तारि पुरिसजाया पण्णत्ता, तं जहा--आयंदमे णाममेगे णो परंदमे, परंदम
णाममेगे णो आयंदमे, एगे आयंदमेवि परंदवि, एगे णो आयंदमे णो परंदमे ।। गरहा-पदं २६४. चउविहा गरहा पण्णत्ता, तं जहा-उवसंपज्जामित्तेगा गरहा, वितिगिच्छामि
त्तेगा गरहा, जकिचिमिच्छामित्तेगा गरहा, एवंपि पण्णत्तेगा गरहा ।। अलमंथु-पदं २६५. चत्तारि पुरिसजाया पण्णता, तं जहा—अप्पणो णाममेगे अलमंथू भवति णा
परस्स, परस्स णाममेगे अलमंथू भवति णो अप्पणो, एगे अप्पणोवि अलमंथ
भवति परस्सवि, एगे णो अपणो अलमंथ भवति णो परस्स ।। उज्जु-वंक-पदं २६६. चत्तारि मग्गा पण्णत्ता, तं जहा -उज्जू णाममेगे उज्जू, उज्जू णाममेगे वंके,
वंके णाममेगे उज्जू, बंके गाममेगे वके । एवामेव चत्तारि पुरिसजाया पण्णत्ता, तं जहा- उज्जू णाममेगे उज्जू, उज्जू
णाममेगे वंके, बंके णाममेगे उज्जू, वंके णाममेगे वंके ।। खेम-अखेम-पदं २६७. चत्तारि मग्गा पण्णत्ता, तं जहा-खेमे णाममेगे खेमे, खेमे णाममेगे अखेमे,
अखेमे गाममेगे खेमे, अखेमे णाममेगे अखेमे । एवामेव चत्तारि पुरिसजाया पण्णत्ता, तं जहा-खेमे णाममेगे खेमे, खेमे णाम
मेगे अखेमे, अखेमे णाममेगे खेमे, अखेमे णाममेगे अखेमे ॥ २६८. चत्तारि मग्गा पण्णत्ता, तं जहा- खेमे णाममेगे खेमरूवे, खेमे णाममेगे अखेम
रूवे, अखमे णाममेगे खेमरूवे, अखेमे णाममेगे अखेमरूवे ।
१. पण्णते एगा (वृपा)।
Jain Education International
For Private & Personal Use Only
www.jainelibrary.org
