________________
चउत्थं ठाणं (बीओ उद्देसो)
समुप्पज्जति णो दढसरीरस्स, दढसरीरस्स णाममेगस्स णाणदंसणे समुप्पज्जति णो किससरीरस्स, एगस्स किससरीरस्सवि णाणदसणे समुप्पज्जति दढ
सरीरस्सवि, एगस्स णो किससरीरस्स णाणदंसणे समुप्पज्जति णो दढसरी रस्स।। अतिसेस-णाण-दसण-पदं २५४. चउहि ठाणेहि णिग्गंथाण वा णिग्गंथोण वा अस्सि समयंसि अतिसेसे णाणदंसणे
समुप्पज्जिउकामेवि ण समुप्पज्जेज्जा, तं जहा१. अभिक्खणं-अभिक्खणं इत्थिकह भत्तकहं देसकहं रायकहं कहेत्ता भवति । २. विवेगेण विउस्सग्गेणं णो सम्ममप्पाणं भाविता भवति । ३. पुठवरत्तावरत्तकालसमयंसि णो धम्मजागरियं जागरइत्ता भवति । ४. फासुयस्स एसणिज्जस्स उंछस्स सामुदाणियस्स णो सम्मं गवेसित्ता भवति । इच्चेतेहि चउहि ठाणेहिं णिग्गंथाण वा णिग्गंथीण वा' 'अस्सि समयंसि
अतिसेसे णाणदंसणे समुप्पज्जिउकामेवि णो समुप्पज्जेज्जा ॥ २५५. चउहि ठाणेहि णिग्गंथाण वा णिग्गथीण वा [अस्सि समयंसि ?] अतिसेसे
णाणदंसणे समुप्पज्जिउकामे समुप्पज्जेज्जा, तं जहा - १. इत्थिकहं भत्तकहं देसकहं रायकहं णो कहेत्ता भवति । २. विवेगेण विउस्सगेणं सम्ममप्पाणं भावेत्ता भवति । ३. पुव्वरत्तावरत्तकालसमयंसि धम्मजागरियं जागरइत्ता भवति । ४. फासुयस्स एसणिज्जस्स उंछस्स सामुदाणियस्स सम्म गवेसित्ता भवति । इच्चेतेहि चउहि ठाणेहि णिग्गंथाण वा णिग्गीण वा' •[अस्सि समयंसि ? |
अतिसेसे णाणदंसणे समुप्पज्जिउकामे ° समुप्पज्जेज्जा॥ सज्झाय-पदं २५६. णो कप्पति णिग्गंथाण वा णिग्गंथोण वा चरहिं महापाडिवएहि सज्झायं
करेत्तए, तं जहा---आसाढपाडिवए, इंदमहपाडिवए, कत्तियपाडिवए, सुगिम्हग
पाडिवए । २५७. णो कप्पति णिग्गंथाण वा णिग्गंथोण वा चरहिं संझाहिं सज्झायं करेतए,
तं जहा---पढ़माए', पच्छिमाए, मज्झण्हे, अड्डरत्ते ।। २५८, कप्पइ णिगंथाण वा णिग्गंथोण वा चउक्ककालं सज्झायं करेत्तए, तं जहा --
पुवण्हे, अवरण्हे, पओसे, पच्चूसे ॥ लोगठ्ठिति-पदं २५६. चउव्विहा लोगद्विती पण्णत्ता, तं जहा-आगासपतिट्ठिए वाते, वातपतिहिए
उदधी, उदधिपतिट्ठिया पुढवी, पुढविपतिट्ठिया तसा थावरा पाणा ।। १. सं० पा०—णिगंथीण वा जाव णो समुप्प ३. पढमाते (क, ख, ग)। २. सं० पा०—णिगंथीण वा जाव समुप्प ।
Jain Education International
For Private & Personal Use Only
www.jainelibrary.org
