________________
चउत्थं ठाणं (बीओ उद्देसो)
६२३ एवामेव चत्तारि पुरिसजाया पण्णत्ता, तं जहा-खेमे णाममेगे खेमरूवे, खेमे
णाममेगे अखेमरूवे, अखेमे णाममेगे खेमरूवे, अखेमे णाममेगे अखेमरूवे॥ वाम-दाहिण-पदं २६६. चत्तारि संवुक्का पण्णत्ता, तं जहा-वामे णाम मेगे वामावत्ते, वामे णाममेगे
दाहिणावत्ते, दाहिणे णाममेगे वामावत्ते, दाहिणे णाममेगे दाहिणावत्ते । एवामेव चत्तारि पुरिसजाया पण्णत्ता, तं जहा-वामे णाममेगे वामावत्ते, वामे
गाममेगे दाहिणावत्ते, दाहिणे णाममेगे वामावत्ते, दाहिणे णाममेगे दाहिणावत्ते ।। २७०. चत्तारि धूमसिहाओ पण्णत्ताओ, तं जहा-वामा णाममेगा वामावत्ता, वामा
णाममेगा दाहिणावत्ता, दाहिणा णाममेगा वामावत्ता, दाहिणा णाममेगा दाहिणावत्ता। एवामेव चत्तारि इत्थीओ पण्णत्ताओ, तं जहा-वामा णाममेगा वामावत्ता, वामा णाममेगा दाहिणावत्ता, दाहिणा णाममेगा वामावत्ता, दाहिणा णाम मेगा
दाहिणावत्ता। २७१.
चत्तारि अग्गिसिहाओ पण्णत्ताओ, तं जहा--वामा णाममेगा वामावत्ता, वामा णाममेगा दाहिणावत्ता, दाहिणा णाममेगा वामावत्ता, दाहिणा णाममेगा दाहिणावत्ता। एवामेव चत्तारि इत्थीओ पण्णत्ताओ, तं जहा-वामा णाममेगा वामावत्ता, वामा णाममेगा दाहिणावत्ता, दाहिणा णाममेगा वामावत्ता, दाहिणा णाममेगा
दाहिणावत्ता ।। २७२. चत्तारि वायमंडलिया पण्णत्ता, तं जहा-वामा णाममेगा वामावत्ता, वामा
णाममेगा दाहिणावत्ता, दाहिणा णाममेगा वामावत्ता, दाहिणा णाममेगा दाहिणावत्ता ॥ एवामेव चत्तारि इत्थीओ पण्णताओ, तं जहा -वामा णाममेगा वामावत्ता, वामा णाममेगा दाहिणावत्ता, दाहिणा णाममेगा वामावत्ता, दाहिणा णाममेगा
दाहिणावत्ता॥ २७३. चत्तारि वणसंडा पण्णत्ता, तं जहा-वामे णाममेगे वामावत्ते, वामे णाममेगे
दाहिणावत्ते, दाहिणे णाममेगे वामावत्ते, दाहिणे णाममेगे दाहिणावत्ते । एवामेव चत्तारि पुरिसजाया पण्णत्ता, तं जहा–वामे णाममेगे वामावत्ते, वामे णाममेगे दाहिणावत्ते, दाहिणे णाममेगे वामावत्ते, दाहिणे णाममेगे
दाहिणावत्ते ।। णिग्गंथ-णिग्गंथी-पदं २७४. चउहि ठाणेहि णिग्गंथे णिग्गंथि आलवमाणे वा संलवमाणे वा णातिक्कमति,
तं जहा-१. पंथं पुच्छमाणे वा, २. पंथं देसमाणे वा, ३. असणं वा पाणं वा
Jain Education International
For Private & Personal Use Only
www.jainelibrary.org
