Page Text
________________
अट्ठ मं अज्झयणं (ठाण-सत्तिक्कयं)
१६६ अह भिक्खूणं पुव्वोवदिट्ठा एस पइण्णा, एस हेऊ, एस कारणं, एस उवएसो, जं
पुवामेव पण्णस्स उच्चारपासवणभूमि पडिलेहेज्जा ।। ठाण-विहि-पदं २६. से भिक्खू वा भिक्खुणी वा अभिकखेज्जा सेज्जा-संथारग-भूमि पडिलेहित्तए,
णण्णत्थ आयरिएण वा, उवज्झाएण वा, पवत्तीए वा, थेरेण वा, गणिणा वा, गणहरेण वा, गणावच्छेइएण वा, बालेण वा, बुड्ढेण वा, सेहेण वा, गिलाण वा, आएसेण वा, अंतेण वा, मज्झेण वा, समेण वा, विसमेण वा, पवाएण वा, णिवाएण वा तओ संजयामेव पडिले हिय-पडिले हिय, पमज्जिय-पमज्जिय बहु
फासुयं सेज्जा-संथारगं संथारेज्जा। २७. से भिक्खू वा भिक्खुणी वा बहु-फासुयं सेज्जा-संथारगं संथरेत्ता अभिकखेज्जा
बहु-फासुए सेज्जा-संथारए दुरुहित्तए, से भिक्खू वा भिक्खुणी वा बहु-फासुए सेज्जा-संथारए दुरुहमाणे, से पुवामेव ससीसोवरियं कायं पाए य पमज्जियपमज्जिय तओ संजयामेव बहु-फासुए सेज्जा-संथारगे दुरुहेज्जा, दुरुहेत्ता तओ
संजयामेव बहु-फासुए सेज्जा-संथारए चिट्ठज्जा ।। २८. से भिक्खू वा भिक्खुणी वा बहु-फासुए सेज्जा-संथारए चिट्ठमाणे, णो अण्ण
मण्णस्स हत्थेण हत्थं, पाएण पायं, कारण कायं आसाएज्जा। से अणासायमाणे
तओ संजयामेव बहु-फासुए सेज्जा-संथारए चिट्ठज्जा। २६. से भिक्खू वा भिक्खुणी वा उस्सासमाणे वा, णीसासमाणे वा, कासमाणे वा,
छीयमाणे वा, जंभायमाणे वा उड्डुए वा वायणिसग्गे वा करेमाणे, पुवामेव आसयं वा, पोसयं वा, पाणिणा परिपिहित्ता तओ संजयामेव ऊससेज्ज वा, णीससेज्ज वा, कासेज्ज वा, छोएज्ज वा, जंभाएज्ज वा, उड्डयं वा वाणिसग्गं वा करेज्जा । से भिक्खू वा भिक्खुणी वा --समा वेगया सेज्जा भवेज्जा, विसमा वेगया सेज्जा भवेज्जा, पवाता वेगया सेज्जा भवेज्जा, णिवाता वेगया सेज्जा भवेज्जा, ससरक्खा वेगया सेज्जा भवेज्जा, अप्प-सस रक्खा वेगया सेज्जा भवेज्जा, सदसमसगा वेगया सेज्जा भवेज्जा, अप्प-दंस-मसगा वेगया सेज्जा भवेज्जा, सपरिसाडा वेगया सेज्जा भवेज्जा, अपरिसाडा वेगया सेज्जा भवेज्जा, सउवसग्गा वेगया सेज्जा भवेज्जा, णिरुवसग्गा वेगया सेज्जा भवेज्जा, तहप्पगाराहिं
सेज्जाहिं संविज्जमाणाहि पग्गहियतरागं विहरेज्जा, णेव किंचिवि वएज्जा। ३१. एयं खलु तस्स भिक्खुस्स वा भिक्खु णीए वा सामग्गिय, 'जं सव्वदे॒हिं समिए सहिए सया° जएज्जासि ।
–त्ति बेमि॥
१. चरेज्जा (अ):
२. सं० पा०-सामग्गियं जाव जएज्जासि ।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |