Page Text
________________
११८
आधारचूला
अहावरा दोच्चा पडिमा-अचित्तं खलु उपसज्जिस्सामि, अवलंबिस्सामि, कारण
विपरिक्कमिस्सामि, णो सवियारं ठाणं ठाइस्सामि त्ति दोच्चा पडिमा ॥ १६. अहावरा तच्चा पडिमा अचित्तं खलु उक्सज्जिस्सामि, णो अवलंबिस्सामि, णो
कारण विपरिक्कमिस्सामि, णो सवियारं ठाणं ठाइस्सामि त्ति तच्चा पडिमा ।। २०. अहावरा चउत्था पडिमा--अचित्तं खलु उवसज्जिस्सामि, णो अवलंबिस्सामि,
णो कारण विपरिक्कमिस्सामि, णो सवियारं ठाणं ठाइस्सामि, वोसटुकाए
वोसटकेस-मंसू-लोम-णहे सण्णिरुद्धं वा ठाणं ठाइस्सामि त्ति चउत्था पडिमा ।। २१. इच्चेयासि चउण्हं पडिमाणं "अण्णयर पडिम पडिवज्जमाणे णो एवं वएज्जा
मिच्छा पडिवन्ना खलु एते भयंतारो, अहमेगे सम्म पडिवन्ने । जे एते भयंतारो एयाओ पडिमाओ पडिवज्जित्ताणं विहरंति, जो य अहमंसि एयं पडिमं पडिवज्जित्ताणं विहरामि, सव्वे वे ते उ जिणाणाए उवट्ठिया
अण्णोण्णसमाहीए एवं च णं विहरति ।। संथारग-पच्चप्पण-पदं २२. से भिक्खू वा भिक्खुणी वा अभिकखेज्जा संथारगं पच्चप्पिणित्तए । सेज्ज पुण
संथारगं जाणेज्जा-सअंडं सपाणं सबीयं सहरियं सउसं सउदयं सउत्तिंग-पणग
दग-मट्टिय-मक्कडासंताणगं, तहप्पगारं संथारगं णो पच्चप्पिणेज्जा ।। २३. से भिक्खू वा भिक्खुणी वा अभिकखेज्जा संथारगं पच्चप्पिणित्तए। सेज्जं पुण
संथारगं जाणेज्जा-अप्पंड अप्पपाणं अप्पवीयं अप्पहरियं अप्पोसं अप्पुदयं अप्पुत्तिग-पणग-दग-मट्टिय-मक्कडासंताणगं, तहप्पगारं संथारगं पडिलेहियपडिले हिय, पमज्जिय-पमज्जिय, आयाविय-आयाविय, विणिद्धणिय-विणिद्धणिय
तओ संजयामेव पच्चप्पिणेज्जा ।। उच्चारपासवणभूमि-पदं २४. से भिक्खू वा भिक्खुणी वा समाणे वा वसमाणे वा, गामाणुगाम दूइज्जमाणे वा
पुवामेव णं पण्णस्स उच्चार-पासवणभूमि पडिले हिज्जा ।। २५. केवली बूया आयाणमेयं-अपडिलेहियाए उच्चारपासवणभूमीए, भिक्खू वा
भिक्खुणी वा, राओ वा विआले वा, उच्चारपासवणं परिवेमाणे पयलेज्ज वा पवडेज्ज वा, से तत्थ पयलमाणे वा पवडमाणे वा, हत्थं वा, पायं वा, बाहुं वा, ऊरुवा, उदरं वा, सीसं वा, अण्णयरं वा कायंसि इंदिय-जायं लूसेज्ज वा, पाणाणि वा भूयाणि वा जीवाणि वा सत्ताणि वा अभिहणेज्ज वा, वत्तेज्ज वा, लेसेज्ज वा, संघसेज्ज वा, संघट्टेज्ज वा, परियावेज्ज वा, किलामेज्ज वा, ठाणाओ ठाणं संकामेज्ज वा, जीविआओ ववरोवेज्ज वा।
१. खलु णो (क, ब)।
२. सं० पा०—पडिमाणं जाव पम्पहियतरागं ।
Jain Education International
For Private & Personal Use Only
For private & Personal use only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |