Page Text
________________
पज्जोसवणाकप्पो
५३१
गवर पायवस्स आहे' सीयं ठावेइ, ठावेत्ता सीयाओ पच्चोरुहइ, पच्चोरुहित्ता सयमेव आभरणमल्लालंकारं ओमुयति, ओमुइत्ता सयमेव पंचमुट्ठियं लोयं करेइ, करेत्ता अट्टमेणं भत्तेणं अपाणएणं विसाहाहिं नक्खत्तेणं जोगमुवागएणं एगं देवदूसमायाय तिहिं पुरिसस एहिं सद्धि मुंडे भवित्ता अगाराओ अणगारियं पव्व ११४. पासे णं अरहा पुरिसादाणीए तेसीइं राइंदियाइं निच्च वोसट्टकाए चियत्तदेहे जे इ उवसग्गा उप्पज्जंति, तं जहा - दिव्वा वा माणुस्सा वा तिरिक्खजोणिया वा अणुलोमा वा पडिलोमा वा, ते उप्पन्ने सम्मं सहइ 'खमइ तितिक्खई" अहियासेइ ॥
॥
११५. तणं 'पासे अरहा पुरिसादाणीए " अणगारे जाए - इरियासमिए जाव अप्पाणं भावेमाणस्स तेसीइं राइंदियाई विइक्कताई चउरासीइमस्स राइदियस्स अंतरा
माणस' जेसे गिम्हाणं पढमे मासे पढमे पक्खे - चित्तबहुले," तस्स णं चित्तबहुलस्स चउत्थी-पक्खेणं पुव्वण्हकालसमयंसि धायइपायवस्स अहे छट्ठणं भत्तेणं अपाणणं विसाहाहिं नक्खत्तेणं जोगमुवागएणं झाणंतरियाए वट्टमाणस्स अणते अणुत्तरे' 'निव्वाघाए निरावरणे कसिणे पडिपुण्णे केवलवरनाणदंसणे समुप्पन्ने जाव' सव्वजीवाणं सव्वभावे जाणमाणे पासमाणे विहरइ ॥
११६. पासस्स णं अरहओ पुरिसादाणीयस्स अट्ठ गणा अट्ठ गणहरा होत्था, तं जहासुंभे" य अज्जघोसे" य, वसिट्ठे बंभयारि य ।
सोमे सिरिहरे चेव, वीरभद्दे" जसे " वि" य ॥
११७. पासस्स णं अरहओ पुरिसादाणीयस्स अज्जदिण्णपामोक्खाओ सोलस समणसाहसीओ उक्कोसिया समणसंपया होत्था ॥
११८. पासस्स णं अरहओ पुरिसादाणीयस्स पुप्फचू लापामोक्खाओ अट्ठतीसं अज्जियासाहसीओ उक्कोसिया अज्जियासंपया होत्था ॥
११६. पासस्स णं अरहओ पुरिसादाणीयस्स सुनंदपामोक्खाणं" समणोवासगाणं एगा सयसाहस्सी चउसट्ठि च सहस्सा उक्कोसिया समणोवासगसंपया होत्या ॥
१२०. पासस्स णं अरहओ पुरिसादाणीयस्स सुनंदापामोक्खाणं समणोवासिगाणं तिन्नि सयसाहस्सीओ सत्तावीसं च सहस्सा उक्कोसिया समणोवासियाणं संपया होत्था ॥
१. हेट्ठा (ता) ।
२. मल्लालंकाराइ ( ता ) ।
८. सं० पा० - अणुत्तरे जाव केवल ।
६. प० सू० ८२ ।
३. तितिक्ख खमइ (ग, पु) ।
१०. सुभे ( ग, घ, ठा० ८१३७) ।
४. से पासे भगवं ( क, ख, ग, पु); से भगवं ११. संजघोसे (ता); सुंभघोसे (स० ८८ ) |
(ता) ।
५. प० सू० ७८-८१ ।
६. वट्टमाणे (ग, पु) ।
७. चे (ता) अपि ।
Jain Education International
१२. वारीभद्द (ता) ।
१३. जसोभद्दे (ठा० ८ ३७ ) । १४. इ (ता) ।
१५. सुव्वय (क, ग, घ ) ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |