Page Text
________________
पज्जोसवणाकप्पो
१०६. तेणं कालेणं तेणं समएणं पासे अरहा पुरिसादाणीए जेसे गिम्हाणं पढमे मासे पढमे
पक्खे-चित्तबहुले, तस्स णं चित्तबहुलस्स चउत्थी-पक्खेणं' पाणयाओ कप्पाओ वीसं सागरोवमट्टितीयाओ अणंतरं चयं चइत्ता इहेव जंबुद्दीवे दीवे भारहे वासे वाणारसीए नयरीए आससेणस्स रण्णो वामाए' देवीए पुव्वरत्तावरत्त-कालसमयंसि विसाहाहिं नक्खत्तेणं जोगमुवागएणं आहारवक्कंतीए भववक्कंतीए सरीरवक्कंतीए कुच्छिसि
गब्भत्ताए वक्कते॥ ११०. पासे णं अरहा पुरिसादाणीए तिण्णाणोवगए यावि होत्था-चइस्सामि त्ति जाणइ,
चयमाणे न जाणइ, चएमित्ति जाणइ । तेणं चेव अभिलावणं सुविणदंसणविहाणेणं
सव्वं जाव' निययं गिहं अणुप्पविट्ठा जाव' सुहंसुहेणं तं गब्भं परिवहइ ॥ १११. तेणं कालेणं तेणं समएणं पासे अरहा पुरिसादाणीए जेसे हेमंताणं दोच्चे मासे तच्चे
पक्खे-पोसबहुले, तस्स णं पोसबहुलस्स दसमी-पक्खणं' नवण्हं मासाणं बहुपडिपुण्णाणं अट्ठमाणं राइंदियाणं विइक्कंताणं पुन्वरत्तावरत्त-कालसमयंमि विसाहाहिं नक्खत्तेणं जोगमवागएणं 'आरोगा आरोगं दारयं पयाया। जम्मणं सव्वं पासा
भिलावेणं भाणियव्वं जाव' तं होउ णं कुमारे पासे नामेणं ॥ ११२. पासे णं अरहा पुरिसादाणीए दक्खे दक्खपइण्णे पडिरूवे अल्लीणे भद्दए विणीए
वीसं वासाई अगारवासमझे वसित्ता पुणरवि लोयंतिएहिं जियकप्पिएहिं देवेहि ताहिं इट्ठाहिं जाव एवं वयासी-जय-जय नंदा ! जय-जय भद्दा ! भदं ते जाव"
जय-जय सदं पउंजंति ॥ ११३. पुवि पि णं पासस्स अरहओ पुरिसादाणीयस्स माणुस्सगाओ" गिहत्थधम्माओ अणु
तरे आहोहिए तं चेव सव्वं जाव" दायं दाइयाणं परिभाएत्ता जेसे हेमंताणं दोच्चे मासे तच्चे पक्खे-पोसबहुले, तस्स णं पोसबहुलस्स एक्कारसी-पक्खेणं" पुव्वण्हकालसमयंसि" 'विसालाए सिवियाए" सदेवमणुयासुराए परिसाए तं चेव सव्वं", नवरं-वाणारसिं नगरि मज्झमझणं निग्गच्छइ, निग्गच्छित्ता जेणेव आसमपए उज्जाणे जेणेव असोगवरपायवे तेणेव उवागच्छइ, उवागच्छित्ता असो
१. दिवसेणं (ख)। २. वम्माए (क, ख, ता, पु); वमाए (ग)। ३. प० सू०१०-५० । ४. ५० सू० ५८ । ५. दिवसेणं (ख)। ६. आरोग्गा आरोग्गं (क); आरुग्गा आरुग्गं
(ख, ग, घ) अरोगा आरोगं (पु)। ७. ५० सू० ६०-६६ । ८. पडिपुण्णरूवे (ता)। ६. जीय० (ता)।
१०. प० सू० ७३ । ११. मणुस्सातो (ता)। १२. आहोइए (क, ख, ग, घ); आहोहियए
(पु)। १३. ५० सू० ७४ । १४. दिवसेणं (क, ख, ग, घ पू)। १५. पुव्वण्ह देसकाल (ता)। १६. सालाए सीयाए (ता)। १७. प० सू०७४, ७५ । १८. वाणारसोए नयरीए मझेणं (ता) ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |