Page Text
________________
पज्जोसवणाकप्पो
५२६ १०३. समणस्स' भगवओ महावीरस्स सत्त अंतेवासिसयाइं सिद्धाइं जाव' सव्वदुक्खप्पही
णाई, चउद्दस अज्जियासयाई सिद्धाइं॥ १०४. समणस्स भगवओ महावीरस्स अट्ठ सया अणुत्तरोववाइयाणं गइकल्लाणाणं ठिइ
कल्लाणाणं आगमेसिभदाणं उक्कोसिया अणुत्तरोववाइयाणं संपया होत्था । अंतगडभूमि-पदं १०५. समणस्स भगवओ महावीरस्स दुविहा अंतकडभूमी' होत्था, तं जहा-जुगंतकडभूमी
य परियायंतकडभूमी य । जाव तच्चाओ पुरिसजुगाओ जुगंतकडभूमी चउवासपरि
याए अंतमकासी॥ उवसंहार-पदं १०६. तेणं कालेणं तेणं समएणं समणे भगवं महावीरे तीसं वासाई अगारवासमझे वसित्ता
साइरेगाई दुवालस वासाई छउमत्थपरियागं पाउणित्ता, देसूणाई तीसं वासाइं केवलिपरियागं पाउणित्ता, बायालीसं वासाइं सामण्णपरियायं पाउणित्ता, बावत्तरि वासाइं सव्वाउयं पाल इत्ता, 'खीणे वेयणिज्जाउयनामगोत्ते" इमीसे ओसप्पिणीए दुसमसुसमाए समाए बहुवीइक्कंताए तिहिं वासेहिं अद्धनवमेहि य मासेहिं सेसेहिं पावाए मज्झिमाए हत्थिपालगस्स रण्णो रज्जुगसभाए एगे अबीए' छठेणं भत्तेणं अपाणएणं साइणा नक्खत्तेणं जोगमुवागएणं पच्चूसकालसमयंसि संपलियंक निसन्ने पणपन्नं अज्झयणाई कल्लाणफल विवागाइं, पणपन्नं अज्झयणाइं पावफलविवागाई, छत्तीसं च अपवागरणाई वागरित्ता पधाणं नाम अज्झयणं विभावेमाणे-विभावेमाणे कालगए वितिक्कंते समुज्जाए छिन्नजाइ-जरा-मरण-बंधणे सिद्धे बुद्धे मुत्ते अंत
कडे परिनिव्वुडे सव्वदुक्खप्पहीणे ।। १०७. समणस्स णं भगवओ महावीरस्स जाव सव्वदुक्खप्पहीणस्स नव वाससयाई विइक्कं
ताई दसमस्स य वाससयस्स अयं असीइमे संवच्छरकाले गच्छइ । वायणंतरे पुण
अयं तेणउए संवच्छरकाले गच्छइ-इति दीसइ ॥ पुरिसादाणीए पास-पदं १०८. तेणं कालेणं तेणं समएणं पासे अरहा पुरिसादाणीए पंचविसाहे होत्था, तं जहा
विसाहाहिं चए चइत्ता गब्भं वक्कंते । विसाहाहिं जाए। विसाहाहिं मंडे भवित्ता अगाराओ अणगारियं पव्वइए । विसाहाहिं अणंते अणुत्तरे निव्वाघाए निरावरणे
कसिणे पडिपुण्णे केवलवरनाणदंसणे समुपन्ने । विसाहाहिं परिनिव्वुए । १. 'ता' प्रतौ एतत्सूत्र नैव लभ्यते । ६. अव्विइए (ता)। २. ५० सू० ८४।
७. अतः परं 'ता' प्रती वाचनान्तररूपेण निदिष्ट: ३. अंतगड (क) अंतकर (ता, चू) ।
पाठः उपलभ्यते-अयं तेणउइमे संवच्छरे ४. खीणवेयणिज्जे आउणामगोत्ते (ता)। ५. सेसएहिं (पु)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |