Page Text
________________
चउत्थी दसा
४३३
यावि भवति । से तं वयणसंप्रदा॥ ८. से किं तं वायणासंपदा ? वायणासंपदा चउम्विहा पण्णत्ता, तं जहा-विजयं'
उद्दिसति', विजयं वाएति, परिनिव्वावियं वाएति, अत्थनिज्जवए' यावि भवति । से तं वायणासंपदा ॥ ६. से किं तं मतिसंपदा ? मतिसंपदा चउब्विहा पण्णत्ता, तं जहा-ओग्गहमतिसंपदा,
ईहामतिसंपदा, अवायमतिसंपदा, धारणामतिसंपदा॥ १०. से किं तं ओग्गहमती ? ओग्गहमती छविहा पण्णत्ता, तं जहा–खिप्पं ओगिण्हति,
बहुं ओगिण्हति बहुविहं ओगिण्हति, धुवं ओगिण्हति, अणिस्सियं ओगिण्हति,
असंदिद्धं ओगिण्हति । से तं ओग्गहमती । एवं ईहामती वि, एवं अवायमती वि ॥ ११. से किं तं धारणामती ? धारणामती छविहा पण्णत्ता, तं जहा-बहुं धरेति, बहु
विधं धरेति, पोराणं धरेति, दुद्धरं धरेति, अणिस्सियं धरेति, असंदिद्धं धरेति । से
तं धारणामती । से तं मतिसंपदा ॥ १२. से किं तं पओगसंपदा ? पओगसंपदा चउन्विधा पण्णत्ता, तं जहा-आतं विदाय
'वादं पउंजित्ता" भवति, परिसं विदाय वादं पउंजित्ता भवति, खेत्तं विदाय वादं
पउंजित्ता भवति, वत्थु विदाय वादं पउंजित्ता भवति । से तं पओगसंपदा॥ १३. से किं तं संगहपरिण्णासंपदा ? संगहपरिण्णासंपदा चउन्विहा पण्णत्ता, तं जहा
बहुजणपाओग्गताए वासावासासु खेत्तं पडिले हित्ता भवति, बहुजणपाओग्गताए पाडिहारियपीढफलगसेज्जासंथारयं ओगेण्हित्ता भवति । कालेणं कालं समाणइत्ता"
भवति, अहागुरु संपूएत्ता भवति । से तं संगहपरिण्णासंपदा ॥ आयरियस्स निरिणत-पवं १४. आयरिओ अंतेवासिं इमाए चउन्विधाए विणयपडिवत्तीए विणएत्ता" निरिणत्तं
गच्छति, तं जहा–आयारविणएणं, सुयविणएणं", विक्खेवणाविणएणं, दोसनिग्घा
यणाविणएणं"। १५. से किं तं आयारविणए ? आयारविणए चउव्विहे पण्णत्ते, तं जहा-संजमसामायारी ' यावि भवति, तवसामायारी यावि भवति, गणसामायारी यावि भवति, एगल्ल
विहारसामायारी यावि भवति । से तं आयारविणए ॥ १. वितियं (ता)।
८. वायं (ता)। २. उद्देसति (क)।
६. परिण्णानामसंपदा (क, ख); संगहपइन्ना ३. विययं (ता)।
(ता)। ४. परिणिव्ववियं (ता)।
१०. समाणेत्ता (ता)। ५. ०निज्जावए (क्व)।
११. विणयित्ता (ता)। ६. अणिसियं (क)।
१२. सुत० (ता)। ७. वातं पयुंजित्ता (ता)।
१३. दोसविधायणताए (ता)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |