Page Text
________________
अणुओगदाराई ३६४. से किं तं पसत्था ? पसत्था चउव्विहा पण्णत्ता, तं जहा–कोहझवणा माणज्झ
वणा मायझवणा लोभज्भवणा । से तं पसत्था ।। ६६५. से किं तं अपसत्था ? अपसत्था ति विहा पण्णत्ता, तं जहा-नाणज्झवणा दंसणज्झ
वणा चरित्तज्झवणा। से तं अपसत्था। से तं नोआगमओ भावझवणा। से तं
भावझवणा । से तं झवणा । से तं ओहनिप्फण्णे ॥ निक्खेवाणओगवारे नामनिप्फण्ण-पदं ६६६. से किं तं नामनिप्फण्णे ? नामनिप्फण्णे-सामाइए । ६६७. से समासओ चउविहे पण्णत्ते, तं जहा-नामसामाइए ठवणसामाइए दव्वसामाइए
भावसामाइए॥ ६६८. 'नाम-ट्ठवणाओ गयाओ" ।। ६६६. "से किं तं दव्वसामाइए ? दव्वसामाइए दुविहे पण्णत्ते, तं जहा-आगमओ य
नोआगमओ य॥ ७००.से किं तं आगमओ दव्वसामाइए ? आगमओ दव्वसामाइए-जस्स णं सामाइए त्ति
पदं सिक्खियं ठियं जियं मियं परिजियं नामसमं घोससमं अहीणक्खरं अणच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपुण्णघोसं कंठोट्टविप्पमुक्कं गुरुवायणोवगयं, से णं वायणाए पुच्छणाए परियट्टणाए धम्मकहाए, नो
अणुप्पेहाए । कम्हा ? अणुवओगो दव्वमिति कटु ॥ ७०१. नेगमस्स एगो अणुवउत्तो आगमओ एगे दव्वसामाइए, दोणि अणुवउत्ता आगमओ
दोण्णि दव्वसामाइयाई, तिण्णि अणुवउत्ता आगमओ तिण्णि दव्वसामाइयाई, एवं जावइया अणुवउत्ता तावइयाइं ताई नेगमस्स आगमओ दव्वसामाइयाई । एवमेव ववहारस्स वि । संगहस्स एगो वा अणेगा वा अणुवउत्तो वा अणुवउत्ता वा आगमओ दव्वसामाइए वा दव्वसामाइयाणि वा से एगे दव्वसामाइए । उज्जसुयस्म एगो अणुवउत्तो आगमओ एगे दव्वसामाइए, पुहत्तं नेच्छइ । तिण्हं सद्दनयाणं जाणए अणुवउत्ते अवत्थू ।
कम्हा ? जइ जाणए अणुवउत्ते न भवइ । से तं आगमओ दव्वसामाइए ॥ ७०२. से किं तं नोआगमओ दव्वसामाइए ? नोआगमओ दव्वसामाइए तिविहे पण्णत्ते,
तं जहा-जाणगसरीरदव्वसामाइए भवियसरीरदव्वसामाइए जाणगसरीर-भविय
सरीर-वतिरित्ते दव्वसामाइए॥ ७०३. से किं तं जाणगसरीरदव्वसामाइए ? जाणगसरीरदव्वसामाइए–सामाइए त्ति
पयत्थाहिगारजाणगस्स जं सरीरयं ववगय-चुय-चाविय-चत्तदेहं जीवविप्पजढं १. नामनिष्पन्ने निक्खेवे (क)।
३. सं० पा०-दव्वसामाइए वि तहेव जाव से २. दो गयाओ (क): नामठवणाओ पव्वं भणिताओ (ख, ग)। पू०-अणु० सू० ६-११ ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |