Page Text
________________
अणुओगदाराई ४०६. से समासओ तिविहे पण्णत्ते, तं जहा-सूईअंगुले पयरंगुले घणंगुले । 'अंगुलायया
तियखहयर° पुच्छा । गोयमा! जहण्णेणं अंगुलस्स असंखेज्जइभाग, उक्कोसेणं घणुपुहुत्तं । अपज्जत्तगगब्भवक्कंतियखयर° पुच्छा । गोयमा! जहण्णेणं अंगुलस्स असंखेज्जइभागं, उक्कोसेण वि अंगुलस्स असंखेज्जइभागं । पज्जत्तगगब्भवक्कंतियखयर° पुच्छा । गोयमा! जहण्णेणं अंगुलस्स संखेज्जइभागं, उक्कोसेणं धणुपुहुत्तं । एत्थ संगहणिगाहाओ भवंति, तं जहा
जोयणसहस्स गाउयपुहुत्तं, तत्तो य जोयणपुहत्तं । दोण्हं तु घणु-पुहुत्तं, संमुच्छिमे होइ उच्चत्तं ॥१॥ जोयणसहस्स छग्गाउयाई, तत्तो य जोयणसहस्सं ।।
गाउयपुत्त भुयगे, पक्खीसु भवे धणुपुहत्तं ॥२॥ [इदं च गाथाद्वयं क्वचिदेव वाचनाविशेषे दृश्यते, सोपयोगत्वात्तु लिखितम् (हे)] । मणुस्साणं भंते! केमहालिया सरीरोगाहणा पण्णत्ता ? गोयमा! जहण्णेणं अंगुलस्स असंखेज्जइभागं, उक्कोसेणं तिण्णि गाउयाइं । संमुच्छिममणुस्साणं पुच्छा । गोयमा! जहण्णेणं अंगुलस्स असंखेज्जइभागं, उक्कोसेण वि अंगुलस्स असंखेज्जइभागं । गब्भवक्कंतियमणुस्साणं पुच्छा । गोयमा! जहणणं अंगुलस्स असंखेज्जइभाग, उक्कोसेणं तिण्णि गाउयाई। अपज्जत्तगगब्भवक्कंतियमणुस्साणं पुच्छा । गोयमा! जहण्णेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगगब्भवक्कंतियमणुस्साणं पुच्छा । गोयमा! जहण्णेणं अंगुलस्स संखेज्जइभाग, उक्कोसेणं तिण्णि गाउयाई। वाणमंतराणं भवधारणिज्जा य उत्तरवेउब्विया य जहा असुरकुमाराणं तहा भाणियन्वा । जहा वाणमंतराणं तहा जोइसियाणं । सोहम्मे कप्पे देवाणं भंते! केमहालिया सरीरोगाहणा पण्णत्ता ? गोयमा! दुविहा पण्णत्ता, तं जहा-भवधारणिज्जा य उत्तरवेउव्विया य । तत्थ णं जासा भवधारणिज्जा सा जहण्णेणं अंगूलस्स असंखेज्जइभागं, उक्कोसेणं सत्त रयणीओ। तत्थ णं जासा उत्तरवेउव्विया सा जहण्णेणं अंगुलस्स संखेज्जइभागं, उक्कोसेणं जोयणसयसहस्सं । एवं ईसाणे कप्पे वि भाणियव्वं । जहा सोहम्मे कप्पे देवाणं पुच्छा तहा सेसकप्पदेवाणं पि पुच्छा भाणियव्वा जाव अच्चुतो कप्पोसणंकुमारे भवधारणिज्जा जहण्णणं अंगुलस्स असंखेज्जइभाग, उक्कोसेणं छ रयणीओ । उत्तरवेउब्विया जहा सोहम्मे । जहा सणंकुमारे तहा माहिदे वि । बंभलोग-लंतगेसु भवधारणिज्जा जहण्णेणं अंगुलस्स असंखेज्जइभाग, उक्कोसेणं पंच रयणीओ। उत्तरवेउव्विया जहा सोहम्मे । महासुक्क-सहस्सारेसु भवधारणिज्जा जहण्णेणं अंगुलस्स असंखेज्जइभागं, उक्कोसेणं चत्तारि रयणीओ। उत्तरवेउव्विया जहा सोहम्मे । आणत-पाणत-आरण-अच्चुतेसु चउसु वि भवधारणिज्जा जहण्णणं अंगुलस्स असंखेज्जइभाग, उक्कोसेणं तिण्णि रयणीओ। उत्तरवेउब्विया जहा सोहम्मे । गेवेज्जगदेवाणं भंते! केमहालिया सरीरोगाहणा पण्णत्ता ? गोयमा! एगे भवधारणिज्जे सरीरगे पण्णत्ते, से जहण्णेणं अंगुलस्स असंखेज्जइभागं, उक्कोसेणं दो रयणीओ। अणुत्तरोववाईयदेवाणं भंते! केमहालिया सरीरोगाहणा पण्णत्ता ? गोयमा! एगे भवधारणिज्जे सरीरगे पण्णत्ते, से जहण्णेणं अंगुलस्स असंखेज्जइभाग, उक्कोसेणं एगा रयणी ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |