Page Text
________________
अणुओगदाराई
गोयमा ! जहण्णेणं अंगूलस्स असंखेज्जइभाग, उक्कोसेण वि अंगुलस्स असंखेज्जइभागं, पज्जत्तगसंमुच्छिमजलयरपंचिदियतिरिक्खजोणियाणं पुच्छा। गोयमा ! जहण्णेणं अंगुलस्स संखेज्जइभाग, उक्कोसेणं जोयणसहस्सं । गब्भवक्कंतियजलयरपंचिदियतिरिक्खजोणियाणं पुच्छा । गोयमा ! जहण्णेणं अंगुलस्स असंखेज्जइभाग, उक्कोसेणं जोयणसहस्सं । अपज्जत्तगगम्भवक्कंतियजलयरपंचिदियतिरिक्खजोणियाणं पुच्छा। गोयमा ! जहण्णणं अंगुलस्स असंखेज्जइभाग, उक्कोसेण वि अंगूलस्स असंखेज्जइभागं । पज्जत्तगगब्भवतियजलयरपंचिदियतिरिक्खजोणियाणं पुच्छा। गोयमा ! जहण्णेणं अंगुलस्स संखेज्जइभागं, उक्कोसेणं जोयणसहस्सं । चउप्पयथलयरपंचिदिय पुच्छा। गोयमा ! जहण्णेणं अंगुलस्स असंखेज्जइभागं, उक्कोसेणं छ गाउयाई। संमुच्छिमचउप्पयथलयर° पुच्छा। गोयमा ! जहण्णेणं अंगुलस्स असंखेज्जइभागं, उक्कोसेणं गाउयपुहुत्तं । अपज्जत्तगसंमुच्छिमचउप्पयथलयर° पुच्छा । गोयमा! जहणणं अंगुलस्स असंखेज्जइभागं, उक्कोसेणं वि अंगुलस्स असंखेज्जइभागं । पज्जत्तगसंमुच्छिमचउप्पयथलयर पुच्छा। गोयमा ! जहण्णेणं अंगुलस्स संखेज्जइभाग, उक्कोसेणं गाउयपुहुत्तं । गम्भवक्कंतियचउप्पयथलयर पुच्छा। गोयमा! जहण्णेणं अंगुलस्स असंखेज्जइभाग, उक्कोसेणं छग्गाउयाई। अपज्जत्तगगब्भवक्कंतियचउप्पयथलयर° पुच्छा। गोयमा ! जहण्णेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगगब्भवतियचउप्पथथलयर पुच्छा । गोयमा ! जहण्णेणं अंगुलस्स संखेज्जइभागं, उक्कोसेणं छग्गाउयाई। उरपरिसप्पथलयस्पचिदिय° पुच्छा । गोयमा! जहण्णेणं अंगुलस्स असंखेज्जइभाग, उक्कोसेणं जोयणसहस्सं । संमुच्छिमउरपरिसप्पथलयर पुच्छा । गोयमा! जहण्णेणं अंगुलस्स असंखेज्जइभाग, उक्कोसेणं जोयणपुहुत्तं । अपज्जत्तगसंमुच्छिमउरपरिसप्पथलयर° पुच्छा । गोयमा! जहणणं अंगुलस्स असंखेज्जइभा गं, उक्कोसेण वि अंगुलस्स असंखेज्जइभागं । पज्जत्तगसंमुच्छिमउरपरिसप्पथलयर° पुच्छा । गोयमा! जहण्णणं अंगुलस्स संखेज्जइभाग, उक्कोसेणं जोयणपुद्धत्तं । गम्भवक्कंतियउरपरिसप्पथलयर पुच्छा। गोयमा! जहण्णेणं अंगुलस्स असंखेज्जइभाग, उक्कोसेणं जोयणसहस्सं । अपज्जत्तगगम्भवतियउरपरिसप्पथलयर° पुच्छा । गोयमा! जहण्णेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगगब्भवक्कंतियउरपरिसप्पथलयर पुच्छा । गोयमा! जहण्णेणं अंगुलस्स संखेज्जइभाग, उक्कोसेणं जोयणसहस्सं। भयपरिसप्पथलयरपंचिंदिय° पुच्छा। गोयमा! जहण्णेणं अंगुलस्स असंखेज्जइभागं, उक्कोसेणं गाउयपुहुत्तं । संमुच्छिमभुयपरिसप्पथलयर पुच्छा । गोयमा! जहण्णेणं अंगुलस्स असंखेज्जइभागं, उक्कोसेणं धणुपुहुत्तं । अपज्जत्तगसंमुच्छिमभुयपरिसप्पथलयर° पुच्छा । गोयमा! जहण्णेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगसंमुच्छिमभयपरिसप्पथलयरपृच्छा । गोयमा! जहणणं अंगुलस्स संखेज्जइभाग, उक्कोसेणं धणुपुहत्तं । गम्भवक्कंतिय भयपरिसप्पथलयर° पुच्छा । गोयमा! जहण्णेणं अंगुलस्स असंखेज्जइभागं, उक्कोसेणं गाउयपृहत्तं । अपज्जत्तगगब्भवक्कंतियभुयपरिसप्पथलयर° पुच्छा । गोयमा! जहण्णेणं अंगुलस्स असंखेज्जइभागं, उक्कोसेण वि अंगुलस्स असंखेज्जइभागं । पज्जत्तगगब्भवक्कंतियभुयपरिसप्पथलयर° पुच्छा । गोयमा! जहण्णेणं अंगुलस्स संखेज्जइभागं, उक्कोसेणं गाउयपुहत्तं । खयरपंचिदिय° पुच्छा गोयमा! जहण्णणं अंगुलस्स असंखेज्जइभागं, उक्कोसेणं धणुपुहत्तं । संमुच्छिमखहयराणं जहा भुयगपरिसप्पसंमुच्छिमाणं तिसु वि गमेसु तहा भाणियव्वं । गम्भवक्क
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |