Page Text
________________
३६४
ज्जाई धणुसयाई ।
तमाए भवधारपिज्जा जहणणं अंगुलस्स असंखेज्जइभागं, उक्कोसेणं अड्डाइज्जाई धणुसयाई । उत्तरवेउब्विया जहण्णेणं अंगुलस्स संखेज्जइभागं उक्कोंसेणं पंच धणुसयाई । तमतमापुढवीए नेरइयाणं भंते ! केमहालिया सरीरोगाहणा पण्णत्ता ? गोयमा ! दुविहा पण्णत्ता, तं जहा - भवधारणिज्जा य उत्तरवेउब्वियाय । तत्थ णं जासा भवधारणिज्जा सा जहण्णेणं अंगुलस्स असंखेज्जइभाग, उक्कोसेणं पंच धणुसयाई । तत्थ णं जासा उत्तरवेउब्विया सा जहणणेणं अंगुलस्स संखेज्जइभागं, उक्कोसेणं धणुसहस्सं ।
अणुओगदाराई
असुरकुमाराणं भंते ! के महालिया सरीरोगाहणा पण्णत्ता ? गोयमा ! दुविहा पण्णत्ता, तं जहा - भवधारणिज्जा य उत्तरवेउब्विया य । तत्थ णं जासा भवधारणिज्जा सा जहणेणं अंगुलस्स असंखेज्जइभागं उक्कोसेणं सत्त रयणीओ । तत्थ णं जासा उत्तरवेउब्विया सा जहण्णेणं अंगुलस्स संखेज्जइभागं, उक्कोसेणं जोयणसयसहस्सं ।
एवं असुरकुमारगमेणं जाव थणियकुमाराणं ताव भाणियव्वं । पुढविकाइयाणं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं वि अंगुलस्स असंखेज्जइभागं । एवं सुहुमाणं ओहियाणं अपज्जत्तगाणं पज्जत्तगाणं च भाणियव्वं । बादराणं ओहियाणं अपज्जत्तगाणं पज्जत्तगाणं च भाणियव्वं । एवं जाव बादरवाउकाइयाणं पज्जत्तगाणं भाणियव्वं ।
वसइकाइयाणं भंते! केमहालिया सरीरोगाहणा पण्णता? गोयमा ! जहणणेणं अंगुलस्स असंखेज्जइभागं, उक्कोसेणं सातिरेगं जोयणसहस्सं । सुहुमवणस्स इकाइयाणं ओहियाणं अपज्जत्तगाणं पज्जत्तगाणं तिण्हं पि जहणणेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । बादरवणस्सइकाइयाणं जहण्णेणं अंगुलस्स असंखेज्जइभाग, उक्कोसेणं सातिरेगं जोयणसहस्सं । अपज्जत्तगाणं जहण्णेणं अंगुलस्स असंखेज्जइभागं उक्कोसेणं वि अंगुलस्स असंखेज्जइभागं । पज्जत्तगाणं जहणणं अंगुलस्स असंखेज्जइभागं, उक्कोसेणं सातिरेगं जोयणसहस्सं ।
I
एवं बेइंद्रियाणं पुच्छा । गोयमा ! जहण्णेणं अंगुलस्स असंखेज्जइभागं, उक्कोसेणं बारस जोयणाई | अपज्जत्तगाणं जहणेणं अंगुलस्स असंखेज्जइभागं, उक्कोसेण वि अंगुलस्स असंखेज्जइभागं । पज्जत्तगाणं जहणणं अंगुलस्स संखेज्जइभागं, उक्कोसेणं बारस जोयणाई ।
तेइंदियाणं पुच्छा । गोयमा ! जहणणेणं अंगुलस्स असंखेज्जइभागं उक्कोसेणं तिष्णि गाउयाई । अपज्जत्तगाणं जहणेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगाणं जहणणेणं अंगुलस्स संखेज्जइभाग, उक्कोसेणं तिण्णि गाउयाई ।
चउरिदियाणं पुच्छा । गोयमा ! जहणणेणं अंगुलस्स असंखेज्जइभागं, उक्कोसेणं चत्तारि गाउयाई । अपज्जत्तगाणं जहणेणं वि उक्कोसेण वि अंगुलस्स असंखेज्जइभागं । पज्जत्तगाणं जहणणेणं अंगुलस्स असंखेज्जइभागं, उक्कोसेणं चत्तारि गाउयाई ।
पंचेंदियतिरिक्खजोणियाणं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं जोयणसहस्सं । जलयरपंचिदियतिरिक्खजोणियाणं पुच्छा । गोयमा ! एवं चेव । संमुच्छिमजलयरपंचिदियतिरिक्खजोणियाणं पुच्छा । गोयमा ! एवं चेव । अपज्जत्तगसंमुच्छिम जलय रपंचिदियतिरिक्खजोणियाणं पुच्छा ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |