Page Text
________________
२५५
तत्थ दव्वओ णं केवलनाणी सव्वदव्वाइं जाणइ पासइ । खेत्तओ णं केवलनाणी सव्वं खेत्तं जाणइ पासइ । कालओ णं केवलनाणी सव्वं कालं जाणइ पासइ । भावओ णं केवलनाणी सव्वे भावे जाणइ पासइ ।
अह सव्वदव्वपरिणाम-भाव-विण्णत्ति कारणमणतं । सासयम पडिवाई, एगविहं केवलं नाणं ॥१॥ केवलनाणेणत्थे, नाउं जे तत्थ पण्णवणजोगे । ते भासइतित्थयरो, 'वइजोग तयं हवइ सेसं" ॥२॥ सेत्तं केवलनाणं । सेत्तं पच्चक्खं ।।
परोकखनाण-पदं
३४. से किं तं परोवखं ? परोवखं दुदिहं पण्णत्तं, जहा -- आभिणिबोहियनाणपरोक्खं च सुयनाणपरोक्खं च ॥
३५. जत्थाभिणिबोहियनाणं', तत्थ सुयनाणं । जत्थ सुयनाणं, तत्थाभिणिबोहियनाणं' | दोवि एयाई अण्णमण्णमणुगयाई, तहवि पुण इत्थ आयरिया नाणत्तं पण्णवयंतिअभिनिबुज्झइ त्ति आभिणिबोहियं । सुणेइ त्ति सुयं । मइपुव्वं सुयं न मई सुयपुव्विया ||
1
३६. अविसेसिया मई – मई नाणं च, मई अण्णाणं च । विसेसिया' - सम्मद्दिस्सि मई मइनाणं, मिच्छद्दिस्सि मई मइअण्णाणं ||
अविसेसियं" सुयं - सुयनाणं च, सुयअण्णाणं च । विसेसियं" – सम्मदिट्ठिस्स सुयं सुयनाणं, मिच्छदिट्टिस्स सुयं सुयअण्णाणं ||
आभिणि बोहियनाण-पदं
३७. से किं तं आभिणिबोहियनाणं ? आभिणिबोहियनाणं दुविहं पण्णत्तं तं सुयनिस्सियं च असुयनिस्सियं च ॥
३८. से किं तं असुयनिस्सियं ? असुयनिस्सियं चउव्विहं पण्णत्तं तं जहाउप्पत्तिया वेणइया, कम्मया पारिणामिया । बुद्धी चउव्विहा वुत्ता, पंचमा नोवल भई ॥१॥
उप्पसिया बुद्धि
पुण्वदिट्ठमयम वेइय-तक्खणविसुद्धगहियत्था | अव्वाहय-फलजोगा, बुद्धी उप्पत्तिया नाम ||२||
Jain Education International
१. वइजोगसुयं ( मपा, हपा) ।
२. पक्खनाणं ( क, ख ) 1
३. परुक्खनाणं (क, ख ) । ४. परोक्खनाणं (क, ख ) । ५. जत्थमतिनाणं (चू) ।
( क, ख ) ; सयं हवइ तेसि
नंदी
६. तत्थमतिनाणं ( चू) । ७. बोहियं नाणं ( क, ख ) ।
८.
पुब्वं जेण ( क, ख ); पुब्वयं ( ) । ६. विसेसिया मई (क, ख, चू, ह) ।
१०. एवं अविसेसियं ( क, ख ) ।
११. विसेसियं सुयं (नू, ह) ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |