Page Text
________________
नंबी
२५७
मणपज्जवनाणं पुण, जणमणपरिचितियत्थपागडणं ।
माणुसखेत्तनिबद्धं, गुणपच्चइयं चरित्तवओ ॥१॥ सेत्तं मणपज्जवनाणं । केवलनाण-पदं २६. से किं तं केवलनाणं ? केवल नाणं दुविहं पण्णत्तं, तं जहा-भवत्थकेवलनाणं च,
सिद्धकेवलनाणं च ॥ २७. से किं तं भवत्थकेवलनाणं ? भवत्थकेवलनाणं दुविहं पण्णत्तं, तं जहा-सजोगि
भवत्थकेवलनाणं च अजोगिभवत्थकेवलनाणं च ।। २८. से किं तं सजोगिभवत्थकेवलनाणं ? सजोगिभवत्थकेवलनाणं दुविहं पण्णत्तं, तं
जहा-पढमसमयसजोगिभवत्थकेवलनाणं च अपढमसमयसजोगिभवत्थकेवलनाणं च। अहवा-- चरमसमयसजोगिभवत्थकेवलनाणं' च अचरमसमयसजोगिभवत्थकेवलनाणं
च । सेत्तं सजोगिभवत्थकेवलनाणं ॥ २६. से किं तं अजोगिभवत्थकेवलनाणं? अजोगिभवत्थकेवलनाणं दुविहं पण्णत्तं, तं
जहा- पढमसमयअजोगिभवत्थकेवलनाणं च अपढमसमयअजोगिभवत्थकेवलनाणं
अहवा-चरमसमयअजोगिभवत्थकेवलनाणं च अचरमसमयअजोगिभवत्थकेवलनाणं
च । सेत्तं अजोगिभवत्थकेवलनाणं ।। ३०. से कि तं सिद्धकेवलनाणं ? सिद्धकेवलनाणं दुविहं पण्णत्तं, तं जहा-अणंतरसिद्ध
केवलनाणं च परंपरसिद्धकेवलनाणं च ।। ३१.से किं तं अणंतरसिद्ध केवलनाणं? अणंतरसिद्धकेवलनाणं पण्णरसविहं पण्णत्तं, तं जहा
१. तित्थसिद्धा २. अतित्थसिद्धा ३. तित्थयरसिद्धा ४. अतित्थयरसिद्धा ५. सयंबुद्धसिद्धा ६. पत्तेयबुद्धसिद्धा ७. बुद्धबोहियसिद्धा ८. इथिलिंगसिद्धा ६. पुरिसलिंगसिद्धा १०. नपुंसगलिंगसिद्धा ११. सलिंगसिद्धा १२. अण्णलिंगसिद्धा १३. गिहि
लिंगसिद्धा १४. एगसिद्धा १५. अणेगसिद्धा । सेत्तं अणंतरसिद्धकेवलनाणं ॥ ३२. से किं तं परंपरसिद्ध केवलनाणं ? परंपरसिद्धकेवल नाणं अणेगविहं पण्णत्तं, तं
जहा-अपढमसमयसिद्धा, दुसमयसिद्धा, तिसमयसिद्धा, चउसमयसिद्धा जाव दससमयसिद्धा, संखेज्जसमयसिद्धा, असंखेज्जसमयसिद्धा, अणंतसमयसिद्धा। सेत्तं
परंपरसिद्धकेवलनाणं । सेत्तं सिद्धकेवलनाणं॥ ३३. तं समासओ चउन्विहं पण्णत्तं, तं जहा-दव्वओ, खेत्तओ, कालओ, भावओ।
१. चरिम० (चू)।
२. अचरिम० (चू)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |