________________
बत्तीसइमं अज्झयणं पमायट्ठाणं
१. अच्चतकालस्स समूलगस्स सव्वस्स दुक्खस्स उ जो पमोक्खो।
तं भासओ मे पडिपुण्णचित्ता सुणेह एगग्गहियं हियत्थं ॥ २. नाणस्स सव्वस्स' पगासणाए अण्णाणमोहस्स विवज्जणाए ।
रागस्स दोसस्स य संखएणं एगंतसोक्खं समुवेइ मोक्खं ॥ ३. तस्सेस मग्गो गुरुविद्धसेवा विवज्जणा बालजणस्स दूरा।
'सज्झायएगंतनिसेवणा य" सुत्तत्थसंचिंतणया धिई य॥ ४. आहारमिच्छे मियमेसणिज्जं सहायमिच्छे निउणत्यबुद्धि' ।
निकेयमिच्छेज्ज विवेगजोग्गं समाहिकामे समणे तवस्सी। ५. न वा लभेज्जा निउणं सहायं गुणाहियं वा गुणओ समं वा ।
एक्को वि पावाइ विवज्जयंतो' विहरेज्ज कामेसु असज्जमाणो । ६. जहा य अंडप्पभवा बलागा अंडं बलागप्पभवं जहा य ।
एमेव मोहाययणं खु तण्हं मोहं च तण्हाययणं वयंति ।। ७. रागो य दोसो वि य कम्मबीयं कम्मं च मोहप्पभवं वयंति ।
कम्मं च जाईमरणस्स मूलं दुक्खं च जाईमरणं वयंति ॥ ८. दुक्खं हयं जस्स न होइ मोहो मोहो हओ जस्स न होइ तण्हा ।
तण्हा हया जस्स न होइ लोहो लोहो हओ जस्स न किंचाई। ९. रागं च दोसं च तहेव मोहं उद्धत्तकामेण समूलजालं ।
जे जे 'उवाया पडिवज्जियव्वा" ते कित्तइस्सामि अहाणुपुवि ।। १. एगन्त (सु, बृपा)।
५. अणायरन्तो (बृपा)। २. सच्चस्स (सुपा, बृपा)।
६. तण्हा (अ)। ३. निवेसणा य (ब); निसेवणाए (बृपा)।। ७. किंचनत्थि (बृपा)। ४. निउणेह (बृपा)।
८. अपाया परि' (बृपा)।
२०५
Jain Education International
For Private & Personal Use Only
www.jainelibrary.org
