________________
परिसिझें
[भगवती, ७।२६-३५] कतिविहे णं भंते ! पच्चवखाणे पण्णते ? गोयमा ! दुविहे पच्चक्खाणे पण्णत्ते, तं जहा--मूलगणपच्चक्खाणे य, उत्तरगुणपच्चक्खाणे य । मूलगुणपच्चक्खाणे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-सव्वमूलगुणपच्चक्खाणे य, देसमूलगुणपच्चक्खाणे य । सव्वमूलगुणपच्चक्खाणे णं भंते ! कतिवहे पण्णत्ते ? गोयमा ! पंचविहे पण्णत्ते, तं जहा-सव्वाओ पाणाइवायाओ वेरमणं, सव्वाओ मुसावायाओ वेरमणं, सव्वाओ अदिण्णादाणाओ वेरमणं, सव्वाओ मेहुणाओ वेरमणं, सव्वाओ परिग्गहाओ वेरमणं। देसमूलगुणपच्चक्खाणे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा-थलाओ पाणाइवायाओ वेरमणं, थलाओ मसावायाओ वेरमणं, थलाओ अदिण्णादाणाओ वेरमणं, थलाओ मेहुणाओ वेरमणं, थूलाओ परिग्गहाओ वेरमणं । उत्तरगुणपच्चक्खाणे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा-सव्वुत्तरगुणपच्चक्खाणे य, देसुत्तरगुणपच्चखाणे य । सव्वुत्तरगुणपच्चक्खाणे णं भंते ! कतिविहे पण्णत्ते ? गोयमा ! दसविहे पण्णत्ते, तं जहा
१, २ अणागयमइक्कंतं ३. कोडिसहियं ४. नियंटियं चेव । ५, ६. सागारमणागारं ७ परिमाणकडं ८. निरवसेसं ।
६. संकेयं चेव १० अद्धाए पच्चक्खाणं भवे दसहा ॥१॥ देसुत्तरगुणपच्चक्खाणे णं भंते ! कतिविहे पण्णते ? गोयमा ! सत्तविहे पण्णत्ते, तं जहा-१. दिसिव्वयं २. उवभोगपरिभोगपरिमाणं ३. अणत्थदंडवेरमणं ४. सामाइयं ५. देसावगासियं ६. पोसहोववासो ७ अतिहिसंविभागो। अपच्छिममारणंतियसंलेहणाभूसणाराहणता ।
२०
आवस्सयं
Jain Education International
For Private & Personal Use Only
www.jainelibrary.org
