Page Text
________________
जीवाजीवाभिगमे
वणस्सइकालो॥
२७२. पढमसमयमणूसे णं भंते ! पढमसमयमणूसेत्ति कालओ केवचिरं होति ? गोयमा ! एक्कं समयं ॥
२७३. अपढमसमयमणूसे णं भंते ! अपढमसमयमणूसेत्ति कालओ केवचिरं होति ? गोयमा ! जहण्णेणं खुड्डागं भवग्गहणं समयूणं, उक्कोसेणं तिण्णि पलिओवमाइं पुव्वकोडिपुहत्तमब्भहियाई॥
२७४. देवे जहा णेरइए ॥
२७५. पढमसमयसिद्धे णं भंते ! पढमसमयसिद्धेत्ति कालओ केवचिरं होति ? गोयमा ! एक्कं समयं ॥
२७६. अपढमसमयसिद्धे णं भंते ! अपढमसमयसिद्धेत्ति कालओ केवचिरं होति ? गोयमा ! सादीए अपज्जवसिए ।
२७७. पढमसमयणेरइयस्स णं भंते ! अंतरं कालओ केवचिरं होति ? गोयमा ! जहण्णणं दस वाससहस्साइं अंतोमुत्तमब्भहियाई, उक्कोसेणं वणस्सतिकालो॥
२७८. अपढमसमयणेरइयस्स णं भंते ! अंतरं कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं वणस्सतिकालो॥
२७६. पढमसमयतिरिक्खजोणियस्स णं भंते ! अंतरं कालओ केवचिरं होइ ? गोयमा ! जहण्णेणं दो खुड्डागभवग्गहणाई समयूणाई, उक्कोसेणं वणस्सतिकालो।
२८०. अपढमसमयतिरिक्खजोणियस्स णं भंते ! अंतरं कालओ केवचिरं होति ? गोयमा ! जहण्णेणं खुड्डागभवग्गहणं समयाहियं, उक्कोसेणं सागरोवमसयपुहुत्तं सातिरेगं ॥
२८१. पढमसमयमणूसस्स णं भंते ! अंतरं कालओ केवचिरं होति ? गोयमा ! जहण्णेणं दो खुड्डागभवग्गहणाई समयूणाई, उक्कोसेणं वणस्सतिकालो॥
२८२. अपढमसमयमणूसस्स णं भंते ! अंतरं कालओ केवचिरं होति ? गोयमा ! जहण्णेणं खुड्डागं भवग्गहणं समयाहियं, उक्कोसेणं वणरसतिकालो ॥
२८३. देवस्स णं अंतरं जहा णेरइयस्स ॥
२८४. पढमसमयसिद्धस्स णं भंते ! अंतरं कालओ केवचिरं होति ? गोयमा ! णत्थि अंतरं॥
२८५. अपढमसमयसिद्धस्स .णं भंते ! अंतरं कालओ केवचिरं होति ? गोयमा ! सादीयस्स अपज्जवसियस्स णत्थि अंतरं ॥
२८६. 'एतेसि णं भंते ! पढमसमयणेरइयाणं पढमसमयतिरिक्खजोणियाणं पढमसमयमणसाणं पढमसमयदेवाणं पढमसमयसिद्धाण य कतरे कतरेहितो अप्पा वा बहया वा तुल्ला वा विसेसाहिया वा ? गोयमा ! सव्वत्थोवा" पढमसमय सिद्धा, पढमसमयमणसा असंखेज्जगुणा, पढमसमयणेरइया असंखेज्जगुणा, पढमसमयदेवा असंखेज्जगुणा, पढमसमयतिरिक्खजोणिया असंखेज्जगुणा ॥
२८७. 'एतेसि णं भंते ! अपढमसमयणेरइयाणं जाव अपढमसमयसिद्धाण य कतरे १. थोवा (ता); अल्पबहुत्वान्यत्रापि चत्वारि, तत्र प्रथममिदं-सर्वस्तोकाः (मवृ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |