Page Text
________________
नवमी सविहपडिवत्ती
५१३
२५६. बेंदिए णं भंते ! दिएत्ति कालओ केवचिरं होति ? गोयमा ! जहण्णणं अंतोमुहत्तं, उक्कोसेणं संखेज्जं कालं। एवं तेइंदिएवि चउरिदिएवि॥
२६०. पंचेंदिए णं भंते ! पंचेंदिएत्ति कालओ केवचिरं होति ? गोयमा ! जहण्णणं अंतोमुहत्तं, उक्कोसेणं सागरोवमसहस्सं सातिरेगं ॥
२६१. अणिदिए णं भंते ! अणि दिएत्ति कालओ केवचिरं होति ? गोयमा ! सादीए अपज्जवसिए । ___ २६२. पुढविकाइयस्स णं भंते ! अंतरं कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं वणस्सतिकालो । एवं आउकाइयस्स तेउकाइयस्स वाउकाइयस्स ॥
२६३. वणस्सइकाइयस्स णं भंते ! अंतरं कालओ केवचिरं होति ? गोयमा ! जा चेव पुढविकाइयस्स संचिट्ठणा ।।
२६४. बेइंदिय-तेइंदिय-चरिंदिय-पंचेंदियाणं एतेसिं चउण्डंपि अंतरं जहण्णेणं अंतोमुहत्तं, उक्कोसेणं वणस्सइकालो।
२६५. अणिदियस्स णं भंते ! अंतरं कालओ केवचिरं होति ? गोयमा ! सादीयस्स अपज्जवसियस्स णत्थि अंतरं ।।
२६६. अप्पाबहुयं-सव्वत्थोवा पंचेंदिया, चउरिदिया विसेसाहिया, तेइंदिया विसेसाहिया, बेंदिया विसेसाहिया, तेउकाइया असंखेज्जगुणा, पुढविकाइया विसेसाहिया, आउकाइया विसेसाहिया, वाउकाइया विसेसाहिया, अणिदिया अणंतगुणा, वणस्सतिकाइया अणंतगुणा॥
२६७. अहवा दसविहा सव्वजीवा पण्णत्ता, तं जहा-पढमसमयणेरइया अपढमसमयणेरइया' पढमसमयतिरिक्खजोणिया अपढमसमयतिरिक्खजोणिया पढमसमयमणसा अपढमसमयमणसा पढमसमयदेवा अपढमसमयदेवा पढमसमयसिद्धा अपढमसमयसिद्धा॥
२६८. पढमसमयणेरइए णं भंते ! पढमसमयणेरइएत्ति कालओ केवचिरं होति ? गोयमा ! एक्कं समयं ॥
२६६. अपढमसमयणेरइए णं भंते ! अपढ मसमयणेरइएत्ति कालओ केवचिरं होति ? गोयमा ! जहण्णेणं दस वाससहस्साइं समयूणाई, उक्कोसेणं तेत्तीसं सागरोवमाई समयूणाई॥
२७०. पढ मसमयतिरिक्खजोणिए णं भंते ! पढमसमयतिरिक्खजोणिएत्ति कालओ केवचिरं होति ? गोयमा ! एक्कं समयं ॥
२७१. अपढमसमयतिरिक्खजोणिए णं भंते ! अपढमसमयतिरिक्खजोणिएत्ति कालओ केवचिरं होति ? गोयमा ! जहण्णेणं खुड्डागं भवग्गहणं समयूणं, उक्कोसेणं
१. तेसि णं भंते ! पढविकाइयाणं आउ तेउ वाउ वण बेंदियाणं तेइंदियाणं चरि पंचेंदियाणं अणिदियाण य कतरे २ गोयमा ! (क,ख, ग, ट, त्रि)। २. अतः परं २८७ सूत्रपर्यन्तं 'ता' प्रती पाठभेदो
विद्यते--जाव पढमसमयसिद्धा अपढमसमयसिद्धा । संचिटणंतरं पव्वत्तं पढमसमयसिद्ध एगं समयं, अपढमसमयसिद्धे सादीए अपज्जवसिए। दोण्हवि सिद्धस्स णत्यंतरं।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |