Page Text
________________
नवमी दसविहपडिवत्ती कतरेहितो अप्पा वा बहुया वा तुल्ला वा विसेसाहिया वा? गोयमा! सव्वत्थोवा" अपढमसमयमणूसा, अपढमसमयणेरइया असंखेज्जगुणा, अपढमसमयदेवा असंखेज्जगुणा, अपढमसमयसिद्धा अणंतगुणा, अपढमसमयतिरिक्खजोणिया अणंतगुणा ॥
२८८. 'एतेसि' णं भंते ! पढमसमयणेरइयाणं अपढमसमयणेरइयाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा” पढमसमयणेरइया, अपढमसमयणेरइया असंखेज्जगुणा॥
२८६. 'एतेसि णं भंते ! पढमसमयतिरिक्खजोणियाणं अपढमसमयतिरिक्खजोणियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा" पढमसमयतिरिक्खजोणिया, अपढमसमयतिरिक्खजोणिया अणंतगुणा ॥
२६०. एतेसि णं भंते ! पढमसमयमणूसाणं अपढमसमयमणूसाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमयमणूसा, अपढमसमयमणूसा असंखेज्जगुणा ॥
२६१. 'एतेसि णं भंते ! पढमसमयदेवाणं अपढमसमयदेवाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमयदेवा, अपढमसमयदेवा असंखेज्जगुणा ॥
२६२. एतेसि णं भंते ! पढमसमयसिद्धाणं अपढमसमयसिद्धाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमय सिद्धा, अपढमसमय सिद्धा अणंतगुणा ॥
२६३. एतेसि” णं भंते ! पढमसमयणेरइयाणं अप ढमसमयणेरइयाणं 'पढमसमयतिरिक्खजोणियाणं अपढमसमयतिरिक्खजोणियाणं पढमसमयमणूसाणं अपढमसमयमणूसाणं पढमसमयदेवाणं अपढमसमयदेवाणं पढमसमयसिद्धाणं" अपढमसमयसिद्धाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पढमसमय सिद्धा, पढमसमयमणूसा असंखेज्जगुणा, अपढमसमयमणूसा असंखेज्जगुणा, पढमसमयणेरइया असंखेज्जगुण, पढमसमयदेवा असंखेज्जगुणा, पढमसमयतिरिक्खजोणिया असंखेज्जगुणा, अपढमसमयणेरइया असंखेज्जगुणा, अपढमसमयदेवा असंखेज्जगुणा, अपढमसमयसिद्धा अणंतगुणा, अपढमसमयतिरिक्खजोणिया अणंतगुणा। सेत्तं दसविहा सव्वजीवा । सेत्तं सव्वजीवाभिगमे ।।
ग्रंथ परिमाण कुल अक्षर १८२३७८ अनुष्टुपश्लोक ५७२७ अक्षर १४
१. थोवा (ता); द्वितीयमिदं-सर्वस्तोकाः (मव)। २. असंखेज्जगुणा (ता) अशुद्धं प्रतिभाति । ३. तृतीयं प्रत्येकभाविनैरयिकतिर्यङ्मनुष्यदेवानां
पूर्ववत, सिद्धानामेवं सर्वस्तोका: (मव) । ४. वे पुडए सव्वत्थोवा (ता)।
५. थोवा (ता)। ६. जहा मणूसा तहा देवावि (क,ख,ग,ट,त्रि) । ७. समुदायगतं चतुर्थ मेवं सर्वस्तोकाः (मवृ) । ८. जाव (ता)। ६. सव्वजीवा पण्णत्ता (क, ख, ग, ट, त्रि) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |