________________
नवमी दसविहपडिवत्ती
५०३
१२६. 'अवेदगो जहा' हेट्ठा" ॥
१३०. अप्पाबहुयं-सव्वत्थोवा पुरिसवेदगा, इत्थिवेदगा संखेज्जगुणा, अवेदगा अणंतगुणा, नपुंसगवेदगा अणंतगुणा ॥
१३१. अहवा चउव्विहा सव्वजीवा पण्णत्ता, तं जहा- चक्खुदंसणी अचक्खुदंसणी ओहिदंसणी' केवलदसणी॥
१३२. चक्खुदंसणी णं भंते ! चक्खुदंसणीत्ति कालओ केवचिरं होति ? गोयमा ! जहण्णणं अंतोमुहुत्तं, उक्कोसेणं सागरोवमसहस्सं सातिरेगं ।
१३३. अचक्खुदंसणी दुविहे पण्णत्ते--अणादिए वा अपज्जवसिए, अणादिए वा सपज्जवसिए॥
१३४. ओहिदसणी जहण्णेणं एक्कं समयं, उक्कोसेणं दो छावट्ठीओ सागरोवमाणं साइरेगाओ।
१३५. केवलदसणी साइए अपज्जवसिए । १३६. चक्खुदंसणिस्स अंतरं जहण्णणं अंतोमुहत्तं, उक्कोसेणं वणस्सतिकालो। १३७. अचक्खुदंसणिस्स दुविधस्स णत्थि अंतरं ।। १३८. ओहिदसणिस्स जहण्णेणं 'एक्कं समयं', उक्कोसेणं वणस्सतिकालो। १३६. केवलदंसणिस्स णत्थि अंतरं ॥
१४०. अप्पाबहुयं-सव्वत्थोवा ओहिदसणी, चक्खुदंसणी असंखेज्जगुणा, केवलदसणी अणंतगुणा, अचक्खुदंसणी अणंतगुणा ।।
१४१. अहवा चउव्विहा सव्वजीवा पण्णत्ता, तं जहा-संजया असंजया संजयासंजया णोसंजया-णोअसंजया-णोसंजयासंजया ॥
१४२. 'संजए णं भंते ! संजएत्ति कालओ केवचिरं होति ? गोयमा ! जहण्णणं एक्कं समयं, उक्कोसेणं देसूणा पुव्वकोडी ॥
१४३. असंजया जहा अण्णाणी॥ १४४. संजतासंजते जहण्णेणं अत्तोमुहुत्तं, उक्कोसेणं देसूणा पुव्वकोडी ॥ १४५. णोसंजत-णोअसंजत-णोसंजतासंजते साइए अपज्जवसिए । १४६. 'संजयस्स संजयासंजयस्स दोण्हवि अंतरं जहण्णेणं अंतोमुहत्तं, उक्कोसेणं
१. जी० ६।२६ । २. अवेदकस्स अंतरं जहा अकसाइस्स (ता)। ३. अवधिदसणी (ग, त्रि); ओधिदंसणि (ता)। ४. ओहिदसणस्स (क, ख, ग); ओहिदंसणिस्स
(ट, त्रि)। ५. अंतोमुहत्तं (क,ख,ग,ट,त्रि); अवधिदर्शनिनो
जघन्येनैक समयमन्तरं प्रतिपातसमयानन्त- रसमय एव कस्यापि पुनस्तल्लाभभावात् क्व- चिदन्तर्मुहुर्त्तमिति पाठः स च सुगमः तावता
व्यवधानेन पुनस्तल्लाभभावात्, न चायं निर्मूलः पाठो मूलटीकाकारेणापि मतान्तरेण समर्थितत्वात (मव) तयान्तराभिधानात् अवधिदर्शनी जघन्येनैकं समयं भवत्यवधिप्रतिपत्तिर्महन्तिरमेव मरणमिथ्यात्वगमनाभ्याम्
(हावृ)। ६. संजतस्स संचिट्ठणा (ता)। ७. जी०६।३२ ।
Jain Education International
For Private & Personal Use Only
www.jainelibrary.org
